Fjalori

Rezultate në përkufizime për “komçë”

Mëso si ta përdorësh
<<< Kthehu te kërkimi kryesor në fjalor

KOPSË

KÓPS/Ë,~A f. sh. ~A, ~AT Pullë që qepet në një rrobë a veshje për të mbërthyer dy anë ose dy pjesë të saj; komçë. Kopsa këmishe (për pallto). Qep (mbërthej) kopsat.
✱Sin.: komçë, pullë.
♦ Ia bëj kopsë (dikujt) keq. vulg. shih ia fut (ia vë) (të dyja) këmbët në një këpucë (në një opingë) (dikujt).

PULLË

PÚLL/Ë,~AII f. sh. ~A, ~AT 1. Kopsë. Pulla fildishi. Pullat e palltos (e xhaketës, e këmishës, e pantallonave). Mbërtheu pullat. Iu këput pulla.
2. tek. Buton. Pulla e ziles elektrike. Pullat e fizarmonikës.
3. Koka (e gozhdës). Pulla e gozhdës.
4. Copë stofi, sa një kopsë e rrumbullakët, që i vihet dyshekut në shumë vende, nga lart e nga poshtë, për të mbajtur leshin a pambukun që të mos lëvizë. I qepi dyshekut pullat.
5. Arnë në një rrobë a veshje; arnë në këpucë, mballomë.
6. Copë letre katërkëndëshe, me një figurë dhe me emrin e shtetit të shtypur në të, që shitet me një çmim të caktuar zakonisht nga zyrat postare për t’u ngjitur mbi një letër, mbi një kartolinë, mbi një dokument, mbi një pako etj. që të tregohet se pagesa për shërbimin është kryer. Pullë poste. Pullë monopoli. Seri (koleksion) pullash. Album pullash. Mbledh (mban) pulla. I vuri pullën.
✱Sin.: kopsë, buton, komçë, follë, arnë, mballomë, kilzë.
♦ M’u bë pullë (dikush) përb. m’u ngjit, m’u qep dhe nuk më ndahet; m’u bë rrodhe; m’u bë ferrë. Pullë poste tall. njeri i ngjitur, që të qepet pas e s’të ndahet. S’ia vë për pulle (dikujt) nuk e përfill fare, s’dua t’ia di për të.

PËRFUNDËSE

PËRFÚNDËS/E,~JA f. sh. ~E, ~ET 1. Pjesa e fundme e këmbëve të pantallonave, të çitjaneve a të mbathjeve të gjata, që bashkohet rreth qafës së këmbës me lidhëse a me një komçë. Përfundëse të qëndisura.
2. Shualli i këpucës, i opingës etj. U hiqnin shpejt eprinat këpucëve i ndanin veçmas përfundëset. Përfundëse për këpucë.
3. Këllëf jastëku.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë