Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
DAFURR/ÓJ vep., ~ÓVA, ~ÚAR krahin., kal.1. Kërkoj diçka me nxitim në një dollap, në një arkë, në një dhomë etj., duke i hedhur sendet pa kujdes sa andej-këtej e duke bërë rrëmujë; rrëmoj.
2. Rrëmih; punoj tokën me kazmë, me shatë etj.; shkrifëroj tokën.
3. Ngatërroj, bëj lesh e li. - Ç'po dafurron ashtu?
4. Shpupurit (zjarrin). Dafurroj zjarrin me mashë.
✱Sin.: kërkoj, ngut, nxitoj, shpejtoj, bubërroj, çmorrit, tollovit, mih, rrëmih, shkrifëroj gërmoj, prashit, çukëroj, ngatërroj, pështjelloj, koklavit, kokoleps, çakërdis, hallakat, çorodit, hutoj, turbulloj, trullos, shpërndaj, shastis, shpërpush, shpupurit, shpuzit, prushit, përshkëndij.
NDËRLIK/ÓJ vep., ~ÓVA, ~ÚAR kal. 1. E bëj diçka më të ngatërruar ose më të vështirë për t’u kuptuar a për t’u zgjidhur, koklavit; kund. thjeshtoj, çndërlikoj. Ndërlikoj një ushtrim (një problem). E ndërlikoi gjendjen. Kjo e ndërlikon çështjen (punën, situatën, problemin). Ndërlikoj procedurat.
2. E ngatërroj në një punë a në diçka që nuk e dëshiron, e përziej në diçka a e fut diku kundër dëshirës, pleks. Mos më ndërliko në këtë punë!
✱Sin.: koklavit, turbulloj, ngatërroj, trazoj, ndërlik, përziej, pleks.
NGATËRR/ÓJ vep., ~ÓVA, ~ÚAR kal. 1. Lidh a bëj bashkë pa rregull fije të ndryshme; koklavit; kund. çngatërroj, shkoklavit, shkatërroj. Ngatërroj flokët (fijet e lëmshit). Ngatërroj perin (spangon, telin). Ngatërroj grepat. Ngatërroj degët e luleve.
2. Përziej a bëj bashkë në mënyrë të parregullt gjëra të ndryshme; përziej njërën me tjetrën. I ngatërroi librat (fletoret). Ngatërroj letrat. I ngatërron fjalët kur flet. Ngatërron hapin nuk i hedh hapat sipas rendit në rresht.
3. Marr një gjë për një tjetër; bëj gabimisht një gjë në vend të tjetrës. I ngatërron emrat. Ngatërron ngjyrat (tingujt). Ngatërroi çantën (çadrën, celularin). Ngatërroi derën (rrugën, adresën). E ngatërron kajsinë me nektarinën. Më ngatërroi me një shokun e vet.
4. fig. Bëj diçka të errët e të paqartë për t’u kuptuar, ndërlikoj, pështjelloj. I ngatërroi mendimet. I ngatërroi punët. Kjo ngjarje e ngatërroi situatën. Ngatërron diçka nëpër dhëmbë flet në mënyrë të paqartë, pëshpërit nëpër dhëmbë.
5. Fut përçarje, grindje e mosmarrëveshje ndërmjet dy a më shumë njerëzve, vendeve etj. Ngatërron gjithë botën. Ngatërronin të gjithë rajonin.
6. fig. Bëj dikë që të humbë fillin e mendimeve ose lidhjen e fjalëve gjatë bisedës; i ndërhyj në një punë ose e ndërpres dhe e pështjelloj; hutoj, prish mendjen. I ngatërroj fjalën dikujt. Mos e ngatërro se po numëron.
7. Tërheq pas vetes ose shtyj dikë të marrë pjesë në një punë të papëlqyer a të keqe. E ngatërroi në një grindje. I ngatërruan në një luftë të padrejtë. E ngatërruan në një tregti të paligjshme.
✱Sin.: gafrroj, shpupurish, shprish, stërflok, kokoleps, korkoleps, çakërdis, trazoj, shkartis, katrapilëzoj, përziej, humb, humbas, shkëmbej, shpërndaj, zhyej, rrëmih, tutëloj, koklavit, ndërliks, pleks, mpleks, nakatos, ndërlik, ndërlikoj, grind, turbulloj, gramshalesh, ngërzis, tollovis, gaboj, thur, rrëmoj, çaprashis, çaprazoj, çatrafiloj, hutoj, pështjelloj, përçaj, tres, lajthit, torrloj, dafurroj.
♦ Ngatërron (gabon) *adresë (dikush) iron. Ia ngatërroi *letrat (dikujt). Ngatërron *lëmshin (dikush). Ngatërron *fijet (dikush). I ngatërroi *liqtë (dikush). Ngatërron *penjtë (dikush). Ngatërron *rrugën (dikush). Ngatërron *ujërat (dikush).
PËSHTJELL/ÓJ vep., ~ÓVA, ~ÚAR kal. 1. Grumbulloj pa rregull e pa kriter sende të ndryshme, bëj rrëmujë; përziej, mbledh. I pështjelloi gjërat.
2. Sjell ngatërresa në një punë, ngatërroj një punë a një çështje, krijoj pështjellim. I pështjelloi punët.
✱Sin.: mbledh, përziej, ngatërroj, çrregulloj, çatrafiloj, katrapilëzoj, turbulloj, prish, koklavit, stërflok, çaprazoj, grumbulloj, trazoj, stërflok, tollovis, katranos, djallos, çorodis, shastis, çorientoj, shthur, hutoj.
SHKOKLAVÍT [SHKOKLAVÍS] vep., ~A, ~UR kal. 1. Çngatërroj (një fije etj. që është ngatërruar); shpleks; kund. koklavit. Shkoklavit fillin. Shkoklavit nyjën. Shkoklavit litarin (perin, spangon). Shkoklavit bishtin e kalit.
2. fig. Sqaroj një çështje të ngatërruar duke zbuluar hap pas hapi pjesët përbërëse të saj; zgjidh; kund. koklavit. U përpoq që ta shkoklavitë atë çështje.
✱Sin.: shpleks, çngatërroj, zgjidh.
TUTËL/ÓJ vep., ~ÓVA, ~ÚAR kal. 1. Bëj me rrudha diçka, e rrudhos, e zhubros, e zhubravit, e bëj shuk, e mbledh shuk; e palos në një farë mënyre. I tutëloi rrobat (pantallonat). E tutëloi letrën dhe e hodhi në zjarr.
2. Ngatërroj, koklavit, përziej. Tutëloj flokët.
3. Shtyp dhe e bëj të butë diçka, e zbut, e zbruj. Tutëloj mollën (ftoin).
4. fig. Rrah shumë, ia zbut kurrizin, e zbruj së rrahuri, sqaq.
5. E mbuloj me diçka. E tutëloi zjarrin i hodhi hi përsipër.
✱Sin.: rrudhos, zhubros, zhubravit, mbledh, palos, ngatërroj, koklavit, përziej, shtyp, zbut, zbruj, sqaq, rrah, mbuloj.
VËSHTIRËS/ÓJ vep., ~ÓVA, ~ÚAR kal. E bëj të vështirë a më të vështirë diçka; nxjerr vështirësi. E vështirësoi gjendjen. Ia vështirësoi jetën. Ia vështirësoi tretjen. E vështirësoi punën.
✱Sin.: vështiroj, rëndoj, ndërlikoj, ngatërroj, keqësoj, përkeqësoj, koklavit.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë