Fjalori

Rezultate në përkufizime për “kofsharë”

Mëso si ta përdorësh
<<< Kthehu te kërkimi kryesor në fjalor

BENEVREKË

BENEVRÉKË,~T f. vet. sh. Veshje të poshtme si pantallona të gjata e të gjera, prej pambuku a prej mëndafshi, zakonisht të bardha; të mbathura leshi a pambuku, të trasha e të gjata deri në fund të këmbëve; kofsharë. Benevrekë burrash (grash). Mban benevrekë. Benevrekët m’i vesh çapraz, / Edhe shallin ma ke lëshuar. (folk.).

GJIDIKË

GJIDÍKË,~T m. kryes. sh. Pantallona (prej) shajaku për burra, zakonisht në ngjyrë të bardhë a të zezë, të ngushta pas trupit e pas këmbëve, të qëndisura me gajtanë rreth xhepave dhe në fund; kofsharë; tirq.
✱Sin.: tirq, kofsharë, çakçirë.

KOFSHARË

KOFSHÁRË,~T f. vet. sh. 1. Mbathje të gjata e të ngushta pas kofshëve; benevrekë. Mbaj kofsharë për dimër.
2. Lloj pantallonash të gjata e të ngushta; tirqe; qillota. Vesh kofsharët.
✱Sin.: benevrekë, tirqe, qillota.

POTURE

POTÚRE,~T f. vet. sh. Pantallona të gjera burrash prej shajaku a prej cohe, që qepen të gjera sipër e më të ngushta te gjunjët dhe që arrijnë zakonisht deri te pulpat e këmbëve; kofsharë; brekushe. Poture të leshta. Poture shajaku. Veshi poturet. Lidhi (shtrëngoi) poturet.
✱Sin.: bollka, brekushe, brakesha, shallvare.
♦ I ranë poturet (dikujt) iron. ra nga pozita e lartë që kishte, e hoqën nga një detyrë e rëndësishme; nuk është më as i pasur e as i fuqishëm; ra (zbriti) nga fiku; ra (zbriti) nga kali2). S’di të mbathë (as) poturet (dikush) bised. nuk është në gjendje të bëjë as diçka të thjeshtë, s’është i aftë për asgjë; nuk mban dot as veten; s’di të lidhë (as) ushkurin bised.; s’di të mbathë (as) brekët tall. vulg.

TIRK

TÍR/K,~KU m. sh. ~Q, ~QIT 1. Shajak i bardhë, zakonisht i hollë, që përdoret për të bërë kallca, kofsharë, xhubleta etj. Preu tirkun për xhubletë.
2. kryes. sh. Çorape të gjata burrash, zakonisht të bardha, pa shputën e këmbës, të bëra prej shajaku a të thurura prej leshi; kallca. Mbathi tirqit.
3. vet. sh. Pantallona prej shajaku për burra, zakonisht në ngjyrë të bardhë a të zezë, të ngushta pas trupit e pas këmbëve, të qëndisura me gajtanë rreth xhepave dhe në fund; kofsharë.
✱Sin.: shajak, kofsharë, çorape, kallca, pantallona.

ÇAKÇIRË

ÇAKÇÍRË,~T m. vet. sh. Kofsharë, tirq. Çakçirë prej shajaku të bardhë. Veshi çakçirët. Meshkujt vishnin çakçirë të bardhë me shirita të zi për festa.

ÇIDIKË

ÇIDÍKË,~T m. vet. sh. Tirq të bardhë shajaku me rrip të zi anash të gjerë sipër e të ngushtë nga gjuri e poshtë, kofsharë. Çidikë shajaku. Veshi një palë çidikë. Mbanin çidikë. I veshur me çidikë.
✱Sin.: kofsharë, tirq.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë