Fjalori

Rezultate në përkufizime për “kobndjellës”

Mëso si ta përdorësh
<<< Kthehu te kërkimi kryesor në fjalor

KOBAR

KOBÁR,~E mb. 1. Që rrëmben, grabit a vjedh diçka tinëzisht dhe me shkathtësi. Hajdut (djalë) kobar.
2. Që ka zakon të rrëmbejë a të grabitë një ushqim dhe ta hajë fshehurazi (zakonisht për kafshë, për një fëmijë etj.); kobash. Mace kobare.
3. fig. I kobshëm; kobndjellës, kobçi. Vdekja kobare.
✱Sin.: kobash, vjedhës, i kobshëm, kobçi, kobndjellës.

KOBSHËM

KÓBSH/ËM (i), ~ME (e) mb. 1. Që lidhet me një kob a një kobë; i mynxyrshëm; kobar. Vend i kobshëm. Fund i kobshëm.
2. Që sjell kob; kobndjellës; kobzi. Britmë e kobshme. Lajm (rast) i kobshëm. Ngjarje (ditë) e kobshme kjo e sotme.
✱Sin.: kobar, kobndjellës, i kobshëm, kobash, kobzi, kobçi, ogurzi.

KOBTAR

KOBTÁR,~E mb. Kobar, i kobshëm, kobndjellës. Kafshë kobtare. Ulërimë kobtare.

KOBZI

KOB/ZÍ,~ZÉZË mb. I kobshëm, kobtar; kobndjellës; ogurzi. Njeri kobzi.

KOBÇI

KOBÇ/I,~E mb. Kobndjellës; kobar. Njeri kobçi.
✱Sin.: kobndjellës, kobar.

KOBË

KÓB/Ë, ~A f. sh. ~A, ~AT 1. Mjerim i madh; kob, mynxyrë.
2. Gjest a veprim shumë i shëmtuar dhe kobndjellës; mallkim. I dha kobën dikujt e mallkoi rëndë.
✱Sin.: kob, mynxyrë, mallkim.

MYNXYRSHËM

MYNXÝRSH/ËM (i), ~ME (e) mb. Që të sjell mynxyrë; i kobshëm, gjëmëmadh. Një shkrim i mynxyrshëm në gazetë. Skandal i mynxyrshëm. Fat i mynxyrshëm. Parandjenjë e mynxyrshme. Pasojë e mynxyrshme. Ditë (natë) e mynxyrshme.
✱Sin.: i kobshëm, kobndjellës, gjëmëmadh, mynxyrëmadh.

PËRZISHËM

PËRZÍSH/ËM (i), ~ME (e) mb. 1. Që është në zi, që mban zi; që mbahet në shenjë zije a për ditë zije, i përzitur. Familje e përzishme. Veshje e përzishme.
2. fig. Që të kujton vdekjen; shumë i zymtë, i trishtuar; i zi. Tinguj të përzishëm. Një natë e përzishme. Bënin një jetë të përzishme.
✱Sin.: i përzitur, i përzitshëm, i përmortshëm, i zymtë, i trishtuar, i zi, i kobshëm, kobndjellës, zindjellës, vdekjendjellës, mortor.

SHENJËZI

SHENJËZÍ mb. Që është ogur i keq, që parathotë zi; kobndjellës, kobzi, ogurzi; kund. shenjëmirë. Lajm shenjëzi. Kujtonte vetëm ndërmjetësin shenjëzi. Zog shenjëzi.
✱Sin.: kobndjellës, kobtar, kobzi, hijezi, ogurzi, zindjellës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë