Fjalori

Rezultate në përkufizime për “kobit”

Mëso si ta përdorësh
<<< Kthehu te kërkimi kryesor në fjalor

AMJE

ÁMJ/E,~A f. sh. ~E, ~ET zool. 1. (lat. Sciaena aquila, Argyrosomus regius) Peshk me trup të gjatë e të fuqishëm, të mbuluar me luspa të imëta me ngjyrë të hirtë në të argjendtë me shkëlqim metalik, që rritet deri në 2 m gjatësi dhe me peshë deri 100 kg, që jeton në brigjet e Mesdheut dhe të Oqeanit Atlantik; orli i detit; peshku i madh i argjendtë, mbreti i kobit.
2. Lojbë, lojba pikaloshe, lojba vizake.
✱Sin.: amë, ogjër, bishtdallëndyshe, glicë, larë, licë.

KOBASHIT

KOBASHÍT vep., ~A, ~UR kal. 1. Kam zakon dhe dëshirë të rrëmbej a të grabit fshehurazi një ushqim që më pëlqen, të cilin e ha menjëherë dhe fshehurazi; kobit. E kobashiti tërë mishin.
2. Vjedh.
✱Sin.: kobit, rrëmbej, vjedh.

KOBITJE

KOBÍTJ/E,~A f. sh. ~E, ~ET 1. Vjedhje, grabitje; rrëmbim tinëzar.
2. Mënyra se si kobit (dikush), kryesisht duke rrëmbyer diçka, duke përdorur shkathtësinë dhe mashtrimin etj. Ishte një kobitje.
✱Sin.: grabitje, rrëmbim, vjedhje.

KOBITËS

KOBÍTËS,~E mb. Që kobit a kobashit, rrëmbyes, grabitës. Mace kobitëse. Fëmijë kobitës.
✱Sin.: rrëmbyes, grabitës, kobashitës.

TRADHTOJ

TRADHT/ÓJ vep., ~ÓVA, ~ÚAR kal. 1. Bashkohem ose bashkëpunoj me armikun në dëm të interesave të vendit; dal hapur a punoj fshehurazi në dëm të interesave të vendit; nuk i qëndroj besnik çështjes së atdheut a të kombit. Tradhtoi vendin (atdheun). Nuk i tradhtoj kurrë interesat e kombit.
2. Shkel besën a fjalën e dhënë; pres në besë dikë, një grup, një parti, një çështje; i dal bese, braktis dikë a diçka me pabesi. Tradhtoi shokun për interes. I dhe besën tjetrit, mos e tradhto!
3. Nuk i qëndroj besnik bashkëshortit a bashkëshortes, shkel besën a besnikërinë bashkëshortore; braktis një njeri të dashur për dikë tjetër, shkel kurorën. U ndanë sepse e mori vesh që e kishte tradhtuar.
4. Tregoj ose shpreh padashur në fytyrë, në sjellje etj., atë që mendoj a që ndiej, zbuloj në mënyrë të pavullnetshme diçka që duhej ta mbaja të fshehtë. E tradhtoi fytyra (zëri). E tradhtuan lotët. E tradhtoi veten.
✱Sin.: njimtoj, kobit, shkel, shtrembëroj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë