Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ALEÁNC/Ë,~A f. sh. ~A, ~AT libr. 1. Lidhje miqësore që bëjnë ndërmjet tyre dy a më shumë shtete për qëllime e veprime të përbashkëta politike dhe ushtarake; besëlidhje. Aleancë politike (ushtarake). Aleancë mbrojtëse. Aleancë dypalëshe (trepalëshe). Bën (lidh) aleancë. Hyn në aleancë. Shkëput aleancën.
2. Lidhje e ngushtë politike ndërmjet palësh a grupesh shoqërore mbi bazën e interesave dhe të qëllimeve të përbashkëta. Aleancë luftarake. Aleanca ushtarake ndërmjet disa vendeve. Aleanca e NATO-së. Aleancë bashkëpunimi. U krijua Aleanca bërthamore.
3. Marrëveshje, bashkim ose bashkëpunim mes individëve, grupeve, partive, shteteve apo organizatave për të arritur qëllime të përbashkëta. Dy partitë formuan një aleancë para zgjedhjeve. Aleanca për zhvillim e risimtari. U krijua një aleancë ndërmjet universiteteve shqiptare.
✱Sin.: lidhje, besëlidhje, koalicion.
ANTIPERËNDIMÓR,~E mb., libr. Që është kundër vlerave, kundër politikave, kundër kulturës, kundër artit, kundër demokracisë etj. perëndimore a të vendeve të Perëndimit; kundërperëndimor; kund. perëndimor. Qëndrim antiperëndimor. Ideologji antiperëndimore. Bllok antiperëndimor. Koalicion antiperëndimor. Ndjenjë antiperëndimore. Koncept antiperëndimor. Propagandë antiperëndimore. Retorikë antiperëndimore.
ASHTUQÚAJTUR (i, e) mb., edhe si em. 1. Që është quajtur ashtu, që njihet me atë emër (para emërtimit të dikujt a të diçkaje jo shumë të njohur). I ashtuquajturi Anonim i Elbasanit. Të ashtuquajturit bejtexhinj.
2. keq. Që quhet me një emër i cili nuk përputhet me të vërtetën, që nuk është siç e mban veten a siç duan ta paraqitin të tjerët. I ashtuquajturi “realitet”. I ashtuquajturi “koalicion”. I ashtuquajturi “shkrimtar”. Të ashtuquajturit “deputetë”.
KOALICIÓN,~I m. sh. ~E, ~ET libr. Aleancë e përkohshme ndërmjet shteteve a ndërmjet disa partive, para dhe pas zgjedhjeve, për të formuar një qeveri ose për të kryer veprime a veprimtari të përbashkëta etj. Koalicion parazgjedhor (paszgjedhor). Qeveri me koalicion. Bëjmë koalicion.
MIRËKUPTÚESHËM ndajf. Me mirëkuptim. Ky koalicion i pandershëm nuk mund të shihet mirëkuptueshëm.
OPOZICIÓN,~I m. sh. ~E, ~ET 1. libr. Qëndrim ose marrëdhënie kundërshtie midis dy palëve, ideve, forcave ose dukurive; kundërqëndrim. Ky koalicion dështoi pas opozicionit që palët mbajtën kundrejt traktatit. Shtypja me forcë e opozicionit dhe kontroll i rreptë i shoqërisë. Në kontekste të tjera, opozicioni midis tyre do të shenjonte marrëdhënien midis dashurisë dhe dhimbjes.
2. gjuh. Kundërvënie sistematike midis dy elementeve gjuhësore (fonema, morfema, fjalë, etj.) që ndryshojnë kuptimin e një fjale ose forme; kundërvënie. Opozicionet fonologjike (gjuh.). Metoda e opozicionit semantik (gjuh.). Fjalët i mirë dhe i keq janë në opozicion leksikor.
PANATÝRSH/ËM (i), ~ME (e) mb. Që nuk është i natyrshëm; i shtirë, i shpifur; kund. i natyrshëm. Qëndrim i panatyrshëm. Koalicion i panatyrshëm. Luhatje të panatyrshme të çmimeve. Mision i panatyrshëm. Pozicionim i panatyrshëm.
✱Sin.: i shtirë, i shpifur.
PASZGJEDHÓR,~E mb. Që bëhet pas zgjedhjeve; që i përket kohës pas zgjedhjeve; kund. parazgjedhor. Verifikimi paszgjedhor. Koalicion (bllok) paszgjedhor. Raporti i ndërmjetëm paszgjedhor. Auditim paszgjedhor.
SHUMËLLÓJTË (i, e) mb. Që është i shumëllojshëm. Sende (mjete) të shumëllojta. Këngë të shumëllojta. Produkte të shumëllojta. Letërsi e shumëllojtë. Turizëm i shumëllojtë. Koalicion i shumëllojtë.
✱Sin.: i shumëllojtë, i larmishëm, i gjithëllojshëm, i shumanshëm, shumëfarësh, i shumënduarshëm, i çdollojshëm, i llojllojshëm, i ndryshëm, i përzier, i pasur.
SHUMËNGJÝRËSH,~E mb. 1. Që ka ngjyra të ndryshme, që është ngjyra-ngjyra; që është i ngjyrosur me shumë ngjyra. Veshje shumëngjyrëshe. Libër shumëngjyrësh. Flamurë shumëngjyrësh. Gjethe shumëngjyrëshe. Ambient shumëngjyrësh. Flutur shumëngjyrëshe.
2. fig., libr. Që përbëhet nga parti a nga rryma të ndryshme politike ose nga përfaqësues të ndryshëm; kund. njëngjyrësh. Qeveri shumëngjyrëshe. Koalicion shumëngjyrësh.
3. fig., libr. Që ka nuanca a ngjyra të ndryshme etj. Përkthim shumëngjyrësh në shumë gjuhë. Qëndrime shumëngjyrëshe.
TRIPARTIÁK,~E mb., pol. Që përbëhet nga tri parti. Koalicion tripartiak. Marrëveshje (lidhje, aleancë) tripartiake.
ZYRTARIZÚAR (i, e) mb. Që është bërë zyrtar me firmë e me vulë; që është miratuar zyrtarisht dhe duhet të zbatohet. Urdhër (vendim) i zyrtarizuar. Kandidaturë e zyrtarizuar. I zyrtarizuar me ligj. Është thuajse i zyrtarizuar. Koalicion i zyrtarizuar. Lojtar / lajm i zyrtarizuar. Një projekt i zyrtarizuar. I zyrtarizuar pak ditë më parë. Listë e zyrtarizuar. Ende nuk ka një zyrtarizim.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë