Fjalori

Rezultate në përkufizime për “kloun”

Mëso si ta përdorësh
<<< Kthehu te kërkimi kryesor në fjalor

BOROLTAR

BOROLTÁR, ~I m. sh. ~Ë, ~ËT Hokatar; komik, humorist; kloun.

BUFON

BUFÓN,~I m. sh. ~Ë, ~ËT 1. Gaztor2, 3. Bufon i cirkut (i estradës). Mbretërit mbanin bufonë. Roli i bufonit. Bufonët mesjetarë. Kastë bufonësh.
2. përb. Njeri qesharak e pa karakter; palaço. Ishte një bufon i mjerë.
3. vjet. Hokatar në oborrin e mbretit; lolo, palaço. Bufonët e oborrit. Bufonë të oborrit qeveritar.
✱Sin.: kloun, palaço, karagjoz, hokatar, lolo.

GAZTOR

GAZTÓR,~E mb. Që bën për të qeshur; që është për të qeshur. Njeri gaztor. Vajzë gaztore. Hoka gaztore. Fjalë gaztore. U ngërdhesh në mënyrë gaztore.
✱Sin.: hokatar, shakatar, shakaxhi, komik, mahitar, lozonjar, lojtar, antik, qyfyremadh, qyfyrexhi, kloun, palaço, karagjoz, bufon, lolo.

GAZTOR

GAZTÓR,~I m. sh. ~Ë, ~ËT 1. Ai që bën të tjerët të qeshin e të dëfrejnë me shakatë e tij; ai që ka natyrë të qeshur e gazmore; shakaxhi, hokatar.
2. teatër. Aktor që luan role komike në opereta e në pjesë të tjera; kloun. Gaztori i cirkut.
3. Shakaxhi ose hokatar që qëndronte në pallatin e mbretit ose të një feudali për ta bërë të qeshte dhe ta dëfrente; bufon.
✱Sin.: shakaxhi, hokatar, kloun, bufon.

KLOUN

KLÓUN,~I m. sh. ~Ë, ~ËT 1. Artist cirku me veshje qesharake dhe me fytyrë të grimuar, që i bën shikuesit të qeshin; palaço. Kloun i njohur.
2. edhe si mb., fig., keq. Njeri jonormal dhe qesharak; palaço, bufon. Njeri (artist) kloun.
✱Sin.: gastor, palaço, bufon.

MAJMUNOJ

MAJMUN/ÓJ vep., ~ÓVA, ~ÚAR kal. Kopjoj dikë tjetër siç bën majmuni; imitoj; përkill. Është veç një kloun që majmunon të tjerët.

NARKOTIZUAR

NARKOTIZÚAR (i, e) mb. Që është narkotizuar; i droguar. Njeri i narkotizuar. Del në rrugë si një kloun i narkotizuar. Ushqime të narkotizuara.

PALAÇO

PALÁÇO,~JA m. sh. ~, ~T 1. vjet. Njeri hokatar, që e mbante mbreti ose një feudal në oborrin e vet për t’u zbavitur.
2. Kloun. Palaço cirku.
3. përb., shar. Njeri që bëhet qesharak në shoqëri me sjelljet e veprimet e tij; njeri pa karakter e i ulët.
✱Sin.: gaztor, karagjoz, kloun, bufon, hokatar, shakator, rogaç, qesharak, i pakarakter, idiot, i ulët.
♦ E bëri palaço (dikë) e shau rëndë, nuk i la gjë pa i thënë; e talli sa e bëri qesharak; e bëri leckë; e bëri lëvere; ia bëri lëkurën për pesë (për dy) para.

TEBDIL

TEBDÍL,~I m. sh. ~Ë, ~ËT bised., vjet. 1. Njeri që ka ndryshuar veshjen dhe pamjen për të mos u njohur; njeri i maskuar, i kamufluar.
2. Kloun, palaço që zbavit njerëzit dhe i bën për të qeshur nëpër dasma a nëpër rrugë a sheshe. Erdhën nja tre tebdilë mbrëmë më dasmë, nuk e morëm dot vesh se cilët ishin.
✱Sin.: kloun, palaço.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë