Fjalori

Rezultate në përkufizime për “klarinetë”

Mëso si ta përdorësh
<<< Kthehu te kërkimi kryesor në fjalor

AHENG

AHÉN/G,~GU m. sh. ~GJE, ~GJET 1. bised. Festë me vegla muzikore (saze, violinë, klarinetë, mandolinë etj.) dhe me këngë e valle popullore, argëtim, që organizohet në raste gëzimi në familje, në dasma, në festa, në ditëlindje ose në ngjarje të tjera të rëndësishme; përmb. sazet popullore. Organizoi aheng. Aheng i madh. Ftoj në aheng. Bëri aheng. Më mori në aheng. Bëri aheng për vajzën. Rezervim ahengu.
2. keq. Dëfrim ose festë me ushqime, pije të tepruara dhe muzikë që kthehet në argëtim të shthurur e në rrëmujë. Aheng i çmendur. Aheng i shthurur.
3. muz. Tërësia e këngëve dhe e melodive popullore, që këndohen e luhen në raste dëfrimesh. Ahengu shkodran. Këngë e valle ahengu. Dasmë pa aheng punë së cilës i mungon gjëja kryesore, gjellë pa kripë.
✱Sin.: gazmend, argëtim, dëfrim, zbavitje, qejf.

ARPEZH

ARPÉZH,~I m. sh. ~E, ~ET muz. Mënyrë ekzekutimi e notave të një akordi në sekuenca të shpejta, njëra pas tjetrës, në vend që të luhen përnjëherësh. Arpezhet krijojnë efekt valëzues dhe atmosferë të qetë. Luaj me arpezh në piano (në kitarë, flaut, klarinetë etj.).

GËRNETË

GËRNÉT/Ë,~A f. sh. ~A, ~AT muz. Klarinetë e përshtatur për muzikë popullore. Tingujt e gërnetës. I bie gërnetës. Dëgjohej një gërnetë.

KABA

KABÁ,~JA f. sh. ~, ~TË 1. muz. Pjesë a melodi popullore e shtruar që luhet me gërnetë a me violinë. Kaba përmetare. Kaba me klarinetë (violinë). Ia mori kabasë. Gërnetxhi që e luan kabanë.

2. muz., bised. Iso me zë të trashë; avaz. Kaba e fortë. Ia marr kabasë.

3. bised. Diçka me vëllim të madh, por pa shumë peshë. Në shpinë i tundej një ngarkesë e madhe, kaba.

✱Sin.: avaz, iso.

KLARINETË

KLARINÉT/Ë,~A f. sh. ~A, ~AT muz. Instrument frymor i ngjashëm me fyellin, që ka një pipëz në krye dhe mjaft vrima e çelësa; gërnetë. I bie klarinetës. E shoqëronte me klarinetë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë