Fjalori

Rezultate në përkufizime për “keqtrajtuar”

Mëso si ta përdorësh
<<< Kthehu te kërkimi kryesor në fjalor

BJERRË

BJÉRRË (i, e) mb. 1. I humbur; i shkuar dëm. Gjëja e tretur është shpirti i bjerrë. (fj. u.). I urti s’thotë kurrë se është mund i tretur e mot i bjerrë. (fj. u.).
2. I ligështuar shumë trupërisht; i ligur (njeri ose kafshë); i keqtrajtuar.
3. etnograf. Që është veshur në të zeza në raste vdekjesh a fatkeqësish të rënda, që mban zi. Kënga dëgjohet së pari prej një anëtari të shtëpisë së bjerrë.
4. arb. Që nuk sjell asnjë të mirë; i shkuar dëm.

KEQTRAJTUAR

KEQTRAJTÚAR (i, e) mb. Që është keqtrajtuar. Vartës (punonjës, nëpunës) të keqtrajtuar.

NDËRKËMBUR

NDËRKË́MBUR (i, e) mb. I marrë nëpër këmbë; i nëpërkëmbur; i keqtrajtuar. Mbrojti të drejtat e ndërkëmbura të tij.

NËPËRKËMBUR

NËPËRKË́MBUR (i, e) mb. Që është nëpërkëmbur, që është marrë nëpër këmbë, që trajtohet keq; që i shkelen të drejtat a interesat dhe që nuk përfillet. Njeri i nëpërkëmbur. Gratë ishin të nëpërkëmbura në të kaluarën. Dinjitet i nëpërkëmbur. Të drejta të nëpërkëmbura. Ndihej i nëpërkëmbur.
✱Sin.: i ndërkëmbur, i përbythur, i shpërbythur, i përshkardhur, i dëmtuar, i keqtrajtuar, i shkarëzyer, i shkatërruar, i shkelur, i shpërfillur, leckë, zhele, i shkalaveshur.

SHKALAVESHUR

SHKALAVÉSHUR (i, e) mb., krahin. 1. Që është shkalaveshur; i shformuar, i përçudnuar. Me rroba të shkalaveshura. Faqe e shkalaveshur.
2. Që është i shkalafitur. Pemë e shkalaveshur. Bimë të shkalaveshura.
✱Sin.: i shëmtuar, i shtrembëruar, i shformuar, i prishur, i përçudnuar, i nëpërkëmbur, i keqtrajtuar, i shkalafitur, i copëtuar.

SIMPATIZANTE

SIMPATIZÁNT/E,~JA f. sh. ~E, ~ET Simpatizuese. Simpatizantja ishte keqtrajtuar në tubim. Simpatizantet shprehën mbështetjen e tyre.
✱Sin.: përkrahëse, dashamirëse, mirëdashëse.

TANUAR

TANÚAR (i, e) mb. 1. I shqetësuar. Njerëz të tanuar.
2. I keqtrajtuar. Fëmijë i tanuar.

TIRANIZUAR

TIRANIZÚAR (i, e) mb. Që është tiranizuar, që është keqtrajtuar vazhdimisht, që është shtypur, që i janë shkelur të drejtat dhe liritë. Popullsi e tiranizuar. Njerëz të tiranizuar.

TORTURUAR

TORTURÚAR (i, e) mb. Që ka përjetuar dhunë fizike ose psikologjike, vuajtje të madhe, ose është keqtrajtuar rëndë. I burgosur i torturuar.
✱Sin.: i munduar, i rrahur, i dhunuar, i sfilitur, i sorollatur.

TURGJUAR

TURGJÚAR (i, e) mb. Që është turgjuar, që është keqtrajtuar, që është dhunuar. Njerëz të turgjuar.

TUSHKATUR

TUSHKÁTUR (i, e) mb. Që është tushkatur, i keqtrajtuar, i dhunuar. Njerëz të tushkatur. Kafshë të tushkatura.

ÇNDERSHËM

ÇNDÉRSHËM ndajf. Në mënyrë të pandershme. Për të mos u keqtrajtuar apo trajtuar çndershëm. Sillej çndershëm.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë