Fjalori

Rezultate në përkufizime për “kaustik”

Mëso si ta përdorësh
<<< Kthehu te kërkimi kryesor në fjalor

ALKALIMETRI

ALKALIMETRÍ,~A f. Matje e veçorive të sodës ose të kripës kaustike me alkalimetër; metodë për të matur sasinë e acideve në një tretësirë. Përcaktoj përqendrimin e acidit acetik në uthull.

ALKALIMETËR

ALKALIMÉT/ËR,~RI m. sh. ~RA, ~RAT kim. Instrument a pajisje për të matur sasisë e alkalit në sodë ose në kripën kaustike. Matjet me alkalimetër. Alkalimetër elektronik.

BREJTËS

BRÉJTËS,~E mb. 1. zool. Që ushqehet duke brejtur bimë, që e bren ushqimin, brejtar, brejtan; që bën pjesë në rendin e brejtësve. Kafshë brejtëse. Kandërr brejtëse.
2. Që ka vetinë të gërryejë diçka, që bren, gërryes, gërmitës. Lëndë brejtëse. Veti brejtëse. Soda brejtëse soda kaustike.
✱Sin.: brejtar, brejtan, gërryes, gërmitës.

KAUSTIK

KAUSTÍK,~E mb., kim. Që ka veti djegëse, gërryese a shkatërruese për indet e gjalla. Sodë kaustike.

POTASË

POTÁS/Ë,~A f., kim. Lëndë e ngurtë kokrrizore, në ngjyrë të bardhë e me veti gërryese, që përftohet nga hiri i drurit ose nga kloruri i kaliumit dhe që përdoret për prodhimin e plehrave kimike, të sapunit etj.; secila nga kripërat e kaliumit që përdoret në industri për qëllime të ndryshme. Potasë kaustike pluhur në ngjyrë të bardhë ose të verdhë, shumë gërryes, që shkrihet me lehtësi në ujë dhe përdoret për prodhimin e sapunit.

SAPUNËZOHET

►SAPUNËZ/ÓHET jovep., ~ÚA (u), ~ÚAR kim. 1. vetv. Shndërrohet në sapun një yndyrë, kur valohet me sodë kaustike a me lëndë alkaline. Yndyrës iu shtua sodë kaustike që të sapunëzohet.
2. pës. e SAPUNËZÓJ.

SAPUNËZOJ

SAPUNËZ/ÓJ vep., ~ÓVA, ~ÚAR kim., kal. Shndërroj yndyrat në sapun, duke i valuar me sodë kaustike a me lëndë alkaline. Sapunëzoj yndyrat.

SAPUNËZUAR

SAPUNËZÚAR (i, e) mb., kim. Që i janë shndërruar yndyrat në sapun, duke i valuar me sodë kaustike a me lëndë alkaline. Lëndë e sapunëzuar.

SODË

SÓD/Ë,~A f. 1. kim. Lëndë kimike në trajtën e një pluhuri të bardhë të tretshëm në ujë, e cila nxirret nga kripa dhe përdoret për prodhimin e sapunit, në industrinë e xhamit, të letrës etj. Sodë pluhur. Sodë rrobash. Uzina e sodës. Prodhimi i sodës.
2. Pluhur i bardhë, i tretshëm në ujë, që përdoret në mjekësi dhe në gjellëtari. Kulaç me sodë.
3. Pjesë e parë e emërtimeve të pathjeshta për disa lloje sode. Sodë buke pluhur i bardhë që përdoret në prodhimin e kripërave dhe pijeve shkumëzuese, në ujin mineral artificial, farmaceutikë, fikëset e zjarrit dhe gjellëtari. Sodë kaustike (kim.) lëndë e ngurtë me ngjyrë të bardhë, e tretshme në ujë, që ka veti gërryese, thith lagështirën dhe përdoret në industri e në mjekësi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë