Fjalori

Rezultate në përkufizime për “katalog”

Mëso si ta përdorësh
<<< Kthehu te kërkimi kryesor në fjalor

AGROTURIZËM

AGROTURÍZ/ËM,~MI m., tur., bujq. Lidhja e prodhimit bujqësor me turizmin për të tërhequr vizitorë në një fermë ose në një biznes tjetër bujqësor për të nxjerrë të ardhura. Agroturizëm rajonal. Kompleksi i agroturizmit. Katalog i agroturizmit. Investim në agroturizëm.

AMPELOGRAFIK

AMPELOGRAFÍK,~E mb., bot., bujq. Që ka të bëjë me ampelografinë, që i përket ampelografisë, i ampelografisë. Klasifikim ampelografik. Tiparet morfologjike ampelografike. Katalog ampelografik. Ekspert ampelografik.

BIOBIBLIOGRAFIK

BIOBIBLIOGRAFÍK,~E mb., libr. Që lidhet me biobibliografinë, i biobibliografisë. Katalog biobibliografik. Vepër (monografi) biobibliografike. Shënime biobibliografike. Të dhëna të hollësishme biobibliografike.

DISKOGRAFI

DISKOGRAFÍ,~A f. 1. Regjistrim dhe riprodhim i disqeve muzikore, i albumeve muzikore ose regjistrime të tjera të një artisti të caktuar, të një grupi muzikor etj.; katalog i muzikës së regjistruar në disqe. Këngë nga e gjithë diskografia e saj. Diskografia e saj përfshin dhjetëra këngë të regjistruara gjatë karrierës si këngëtare.
2. Studim i muzikës së regjistruar dhe hartim i katalogëve për të. Studimi i diskografisë së muzikës klasike të Bethovenit.

KATALOG

KATALÓG,~U m. sh. ~Ë, ~ËT Regjistër a libër me karakter informativ ku shënohet në mënyrë të përmbledhur dhe sipas disa kritereve të caktuara një listë me tituj librash, me emërtime bimësh e trupash qiellorë etj., së bashku me ndonjë shpjegim të përmbledhur. Katalog i ilustruar. Katalog i bimëve (i botimeve të reja). Katalog pullash. Katalog i mjegullnajave dhe i grumbullimeve yjore (astr.).

KATALOGIM

KATALOGÍM,~I m., libr. Regjistrimi në një katalog i titujve të librave, i emërtimit të bimëve etj.

KATALOGOHET

►KATALOG/ÓHET jovep., ~ÚA (u), ~ÚAR libr., pës., vet. v. III e KATALOGÓJ.

KATALOGOJ

KATALOG/ÓJ vep., ~ÓVA, ~ÚAR kal., libr. Bëj një katalog me tituj të rinj librash, me emërtimet e bimëve karakteristike për një vend a për një hapësirë të caktuar gjeografike etj., së bashku me disa sqarime a shpjegime të përmbledhura. Katalogoj libra (bimë).

QASJE

QÁSJ/E,~AIII f. sh. ~E, ~ET bised. 1. Trajtim i caktuar ndaj dikujt a diçkaje; mënyra se si e shohim dikë a diçka. Qasje e drejtë ndaj këtij argumenti. Qasje bibliografike. Qasje e drejtpërdrejtë. Qasje dytësore. Qasje e integruar. Qasje e kufizuar (në informacion). Qasje individuale. Qasje interaktive. Qasje e përgjithshme. Qasje e shumëfishtë. Qasje e vijueshme.
2. Pjesë e parë e emërtimeve të pathjeshta që përshkruajnë lloje të ndryshme të qasjes. Qasje në internet lidhja e një pajisjeje me rrjetin global. Qasje në distancë hyrja dhe përdorimi i sistemeve ose rrjeteve nga një vend tjetër. Qasje në linjë lidhja e drejtpërdrejtë me rrjetin. Qasje në rrjet lidhja e një pajisjeje me internetin ose rrjetin lokal për shkëmbim të dhënash dhe shërbimesh. Qasje në ueb lidhja me internetin për të përdorur faqe dhe shërbime online. Qasje paralele përpunimi i njëkohshëm i disa proceseve për shpejtësi dhe efikasitet. Qasje e njëkohshme. Qasje përmes indeksimit (në regjistrime). Qasje në katalog hyrja në një listë të organizuar për kërkim dhe përdorim. Qasje e koduar hyrja në të dhëna të mbrojtura përmes kodimit për siguri. Qasje në informacion hyrja dhe përdorimi i të dhënave nga burime të ndryshme.

TEMOR

TEMÓR,~E mb. Që i përket temës, i temës; tematik. Katalog temor. Fjalor temor.

TOPOGRAFIK

TOPOGRAFÍK,~E mb., gjeod. Që ka të bëjë me topografinë, që i përket topografisë, që realizohet sipas parimeve dhe metodave të topografisë, i topografisë; që paraqet shtrirjen dhe relievin e një vendi në shkallë të zvogëluar. Shenja topografike. Hartë topografike. Rrafshe topografike. Fjalor (katalog, skedar) topografik.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë