Fjalori

Rezultate në përkufizime për “kashai”

Mëso si ta përdorësh
<<< Kthehu te kërkimi kryesor në fjalor

KASHAI

KASHAÍ,~A f. sh. ~, ~TË Kruese metalike si një furçë, që shërben për të kruar lëkurën dhe për të krehur qimet e ashpra të disa kafshëve shtëpiake (zakonisht të kalit, të mushkës etj.). Kruaj (kreh) kalin (derrin) me kashai.
✱Sin.: kruese, krehëse, krefshë.

KASHAIS

KASHAÍS vep., ~A, ~UR kal. Kreh me kashai qimet e disa kafshëve shtëpiake (kalin, mushkën etj.). Kashais mushkën (pelën).
✱Sin.: kreh, kruaj.

KASHAISJE

KASHAÍSJ/E,~JA f. Krehja me kashai e disa kafshëve shtëpiake. Kashaisja e kuajve (e buajve).

KREFSHË

KRÉFSH/Ë,~A f. sh. ~A, ~AT krahin. Kashai.

KREH

KRÉH vep., ~A, ~UR 1. Drejtoj, rregulloj, shpleks a shkrif flokët me krehër. Kreh flokët (kaçurrelat).
2. Kashais një kafshë, pastroj lëkurën dhe rregulloj qimet e një kafshe me kashai. Kreh kalin.
3. Shkoj leshin a pambukun në krehër ose në një makinë për ta shprishur, gërhanoj. Kreh leshin.
4. edhe fig. Verifikoj dhe pastroj udhën e dikujt ose mjedisin ku ai duhet të kalojë, duke bërë të gjitha shërbimet e duhura. Krehu rrugën ku do të kalojë pararoja.
5. fig. Rishikoj, korrigjoj edhe një herë tjetër një tekst a shkrim se mos ka shpëtuar ndonjë gabim gjuhësor a shkencor; rikorrigjoj, lëmoj. Kreh artikullin para botimit.
✱Sin.: gërhanoj, lënur, shkriftoj, shpleks, kashais, rikorrigjoj, lëmoj.
♦ I kreh *bishtin (dikujt) keq. Nuk ka *krehër që e kreh (dikë).

KREHËR

KRÉH/ËR,~RI m. sh. ~RA, ~RAT 1. Përdorëse prej briri a prej plastike, e pajisur me një varg dhëmbëzash, për të rregulluar dhe për të krehur flokët, mjekrën etj. Krehër i rrallë (i dendur).
2. Mjet i posaçëm a vegël e ngjashme me këtë përdorëse për të krehur leshin, pambukun etj.
3. Kashai.
4. Mjet i posaçëm metalik me një dorezë druri për të mbledhur barin e korrur, jonxhën etj. Krehër për barin (për jonxhën).
5. tekst. Pjesë e avlëmendit e përbërë nga disa dhëmbë të hollë, nëpërmjet të cilëve kalojnë fijet për të endur një pëlhurë, një qilim etj.
6. usht. Pjesë e një arme ku mbahen a ruhen një numër fishekësh për shkrepje automatike; karikator. Krehër automatiku. Zbrazi plot një krehër.
✱Sin.: kashai, karikator.
♦ I del krehër (dikujt) e mbron, e përkrah; i mban anën. Nuk ka krehër që e kreh (dikë) është shumë i lëvizshëm, nuk rri kurrë në një vend; s’i zë bytha vend (dikujt) vulg.; s’lë dy gurë bashkë (dikush).

KREHËSE

KRÉHËS/E,~JA f. sh. ~E, ~ET 1. Punëtorja a teknikja e makinave krehëse në një fabrikë tekstili. 2. Makinë krehëse në një fabrikë të tillë. Krehëset e kombinatit të tekstilit.
3. Kashai.

ZHELOJ

ZHEL/ÓJ vep., ~ÓVA, ~ÚAR kal. E gris në shumë vende, e shqyej diçka, e bëj zhele-zhele, leckos. I zheloi rrobat. Me një kashai të vjetër kish dashur ta kruante gomarin, po ia kish zheluar lëkurën si mos më keq. (folk.).
✱Sin.: gris, shqyej, leckos, rreckos, leskëroj.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë