Fjalori

Rezultate në përkufizime për “karikator”

Mëso si ta përdorësh
<<< Kthehu te kërkimi kryesor në fjalor

KARIKATOR

KARIKATÓR,~I m. sh. ~Ë, ~ËT usht. Krehër fishekësh (si pjesë e një arme). Karikator automatiku (mitralozi). Zbrazi dy karikatorë. I vë armës karikatorin.

KREHËR

KRÉH/ËR,~RI m. sh. ~RA, ~RAT 1. Përdorëse prej briri a prej plastike, e pajisur me një varg dhëmbëzash, për të rregulluar dhe për të krehur flokët, mjekrën etj. Krehër i rrallë (i dendur).
2. Mjet i posaçëm a vegël e ngjashme me këtë përdorëse për të krehur leshin, pambukun etj.
3. Kashai.
4. Mjet i posaçëm metalik me një dorezë druri për të mbledhur barin e korrur, jonxhën etj. Krehër për barin (për jonxhën).
5. tekst. Pjesë e avlëmendit e përbërë nga disa dhëmbë të hollë, nëpërmjet të cilëve kalojnë fijet për të endur një pëlhurë, një qilim etj.
6. usht. Pjesë e një arme ku mbahen a ruhen një numër fishekësh për shkrepje automatike; karikator. Krehër automatiku. Zbrazi plot një krehër.
✱Sin.: kashai, karikator.
♦ I del krehër (dikujt) e mbron, e përkrah; i mban anën. Nuk ka krehër që e kreh (dikë) është shumë i lëvizshëm, nuk rri kurrë në një vend; s’i zë bytha vend (dikujt) vulg.; s’lë dy gurë bashkë (dikush).

PISTOLETË

PISTOLÉT/Ë,~A f. sh. ~A, ~AT 1. Armë zjarri automatike me karikator, me tytë të shkurtër e me vjaska, që mbahet në brez. Pistoletë luftarake (sportive). Fishekë pistolete. Qëlloi me pistoletë. I drejtoi pistoletën.
2. Mjet në trajtën e kësaj arme, që përdoret për punë të ndryshme. E spërkatin (e lyejnë) me pistoletë.
3. tek. Çekiç automatik me një turjelë shpuese, që vihet në veprim me ajër të ngjeshur. Pistoletë pneumatike. Pistoletë goditëse. Rrëzojnë qymyrin me pistoletë. Shpojnë shkëmbin me pistoletë.
✱Sin.: revole, revolver, patllake, kobure, pisqollë, calinë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë