Fjalori

Rezultate në përkufizime për “kapitulloj”

Mëso si ta përdorësh
<<< Kthehu te kërkimi kryesor në fjalor

DORËZOHEM

►DORËZ/ÓHEM jovep., ~ÓVA (u), ~ÚAR 1. vetv. Ndërpres luftën dhe jepem në dorë të armikut, të kundërshtarit adikujt tjetër; pranoj t’i dorëzohem atij që më kërkon a më sundon; heq dorë nga përpjekja për t’u mbrojtur. Nuk iu dorëzua armikut. U dorëzuan shumë ushtarë. S’dorëzohemi kurrë.
2. vetv. Pranoj humbjen në një lojë, në një diskutim a polemikë etj., pranoj se u munda. Shahisti u dorëzua në lëvizjen e dyzetë.
3. vetv. I nënshtrohem dikujt, plotësoj pa kundërshtim dëshirat a kërkesat e tij; bie lehtë në dorë të dikujt, i jepem pa kundërshtuar; e lë veten në kujdesin, nën ndikimin ose në mëshirën e dikujt a të diçkaje; ia besoj veten plotësisht dikujt a diçkaje. Iu dorëzua menjëherë. S’dorëzohet ajo.
4. vetv. S'u qëndroj dot vështirësive e pengesave të ndryshme, sëmundjeve etj., mposhtem; tërhiqem para vështirësive. S'dorëzohet para vështirësive. - Qëndro e mos u dorëzo!
5. fet., vetv. Pranohem në një detyrë a në një funksion fetar; shugurohem. U dorëzua prift.
6. pës. e DORËZÓJ.
✱Sin.: jepem, thyhem, mposhtem, bie, kapitulloj, falem, nënshtrohem, përulem, tërhiqem, shkrehem, stepem, shugurohem.

TRIUMFOJ

TRIUMF/ÓJ vep., ~ÓVA, ~ÚAR lart., jokal., Thyej çdo qëndresë dhe dal fitimtar mbi dikë a diçka; arrij një fitore të shkëlqyer, fitoj me lavdi, thyej keq kundërshtarin, ngadhënjej; kund. thyhem, dështoj, kapitulloj. Triumfuam mbi kundërshtarin.

TËRHIQEM

►TËR/HÍQEM jovep., ~HÓQA (u), ~HEQÚR 1. vetv. Largohem prej dikujt a prej diçkaje duke lëvizur prapa ose anash, zmbrapsem a bëhem mënjanë. U tërhoq prapa (mënjanë). U tërhoq menjëherë. U tërhoq shpejt (ngadalë).
2. vetv. Hiqem zvarrë, hiqem rrëshqanthi; zvarritem. U tërhoq këmbadoras (barkas, ijas).
3. fig., vetv. E lë një punë të nisur, largohem për shkak të vështirësive; heq dorë nga një mendim i mëparshëm, nga një urdhër i dhënë etj., e braktis, dorëzohem, nuk mundem të vazhdoj. U tërhoq para vështirësive. U tërhoq nga loja. U tërhoq nga politika. U tërhoq nga gara. Ai nuk tërhiqet. U tërhoq vetë.
4. usht., sport., vetv. Zmbrapsem në mënyrë të organizuar me luftim nga një vijë në tjetrën, për t’u ruajtur nga kundërshtari ose për qëllime të tjera taktike. U tërhoqën nga pozitat e mëparshme. U tërhoqën në vijën e dytë të mbrojtjes. Tërhiqu në mbrojtje!
5. fig., vetv. Jepem shumë pas diçkaje, më bën për vete diçka, më pushton me gjithë forcën, joshem prej dikujt a prej diçkaje. Ishte tërhequr pas muzikës (pas këngës, pas filmit). Tërhiqej prej bukurive e natyrës. U tërhoqën nga gojëtaria e tij.
6. vetv. Më mbushet mendja a detyrohem që të largohem nga diku, nga ndonjë post a nga ndonjë nismë e ndërmarrë; largohem me hir a me pahir nga pushteti a nga ndonjë detyrë zyrtare, jap dorëheqje. U tërhoqën dy anëtarë nga gara për president. U tërhoq nga kandidatura për kryetar.
7. pës. e TËRHÉQ.
✱Sin.: largohem, mënjanohem, hiqem, zvarritem, zmbrapsem, kapitulloj, dorëzohem, braktis, jepem, joshem, magjepsem, mahnitem, miklohem, përhumbem, shastisem, harrohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë