Fjalori

Rezultate në përkufizime për “kangur”

Mëso si ta përdorësh
<<< Kthehu te kërkimi kryesor në fjalor

KANGUR

KANGÚR,~I m. sh. ~Ë, ~ËT zool. (lat. Macropus) Gjitar barngrënës me dy këmbët e përparme më të shkurtra se të prapmet që ecën me kërcime, femra e të cilit ka nën bark një trastë ku mban këlyshët e vet. Kangurët e Australisë.

KËRCYES

KËRCÝES, ~E mb. 1. Që ecën duke kërcyer, që kërcen. Kafshë kërcyese (zool.) kanguri.
2. Që di të kërcejë a të vallëzojë bukur; kërcimtar, valltar. Grua (vajzë) kërcyese.
3. sport. Që është atlet dhe konkurron në një nga llojet e kërcimeve. Atlet kërcyes. Grua (vajzë) kërcyese.
✱Sin.: kërcimtar, valltar.

MAKROPOD

MAKROPÓD,~I m. sh. ~Ë, ~ËT Secili nga marsupialët barngrënës të Guinesë së Re, Australisë dhe ishujve ngjitur, që kanë gjymtyrë të përparme të shkurtra dhe gjymtyrë të pasme të mëdha, siç janë kangurët, kuokat etj. Kuoka është një makropod sa një mace shtëpie.

MARSUPIAL

MARSUPIÁL,~I m. sh. ~Ë, ~ËT zool. Gjitar që i lind të vegjlit të pazhvilluar plotësisht dhe zakonisht i bart ata në një xhep që ndodhet në barkun e nënës, strajcorë. Kangurët janë marsupialë. Marsupialët gjenden kryesisht në Australi, në Guinenë e Re dhe në Amerikë.

STRAJCOR

STRAJCÓR,~I m. sh. ~Ë, ~ËT zool. Kafshë si kanguri që i mban këlyshët në xhep. Strajcori më i njohur është kanguri.

XHEPOR

XHEPÓR,~E mb., zool. Kafshë që e mban këlyshin në xhep deri sa të rritet e të ecë vetë; marsupial. Kanguri është kafshë xhepore.
✱Sin.: strajcor, marsupial.

ÇIKLISTE

ÇIKLÍST/E,~JA f. sh. ~E, ~ET 1. sport. Sportiste që merr pjesë në garat me biçikletë ose që bën udhëtime të gjata me biçikletë. Çiklistja flet për korsitë e biçikletave. Klubi i parë sportiv për çikliste.
2. Ajo që nget biçikletën për të lëvizur e udhëtuar. Çiklistja goditet nga kanguri. Çiklistja shkoi në mal për të udhëtuar me biçikletë. Çiklistet në rrugët e Shkodrës janë të moshave nga më të ndryshmet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë