Fjalori

Rezultate në përkufizime për “kamufluar”

Mëso si ta përdorësh
<<< Kthehu te kërkimi kryesor në fjalor

IGUANË

IGUÁN/Ë,~A f. sh. ~A, ~AT zool. (lat. Iguana) 1. Hardhje e viseve tropikale, me kreshtë gjembake në kurriz dhe me lapra në nofullën e poshtme, me shikim shumë të mprehtë dhe aftësi për t’u kamufluar. Parku i iguanave.
2. Pjesë e dytë e emërtimeve të pathjeshta për disa lloje të këtyre hardhjeve: Iguana blu (lat. Cyclura lewisi) iguanë e madhe me ngjyrë blu të theksuar, që ushqehet kryesisht me bimë dhe është një nga më të rrallat në botë. Iguana e gjelbër (lat. Iguana iguana) iguanë në ngjyrë të gjelbër, që shpesh mbahet edhe si kafshë shtëpiake. Iguana rinoceront (lat. Cyclura cornuta) iguanë me kreshta mbi hundë. Iguana e detit (lat. Amblyrhynchus cristatus) iguanë që noton dhe ushqehet me alga deti. Iguana e shkëmbinjve (lat. Cyclura spp.) iguanë barngrënëse, që jeton në zona të thata e shkëmbore. Iguana e verdhë tokësore (lat. Conolophus subcristatus) iguanë me ngjyrë të verdhë, që ushqehet me kaktuse. Iguana tokësore rozë (lat. Conolophus marthae) iguanë ngjyrë rozë e me vija të zeza. Iguana gjembaçe (lat. Ctenosaura spp.) iguanë me bisht me gjemba, të cilin e përdor për mbrojtje.

KAMUFLIM

KAMUFLÍM,~I m. sh. ~E, ~ET libr. 1. Maskim për të mos u diktuar. Kamuflimi i vendndodhjes. Çadër (rrjetë) kamuflimi.
2. edhe fig. Mënyra a metoda se si kamuflohet dikush për të mos diktuar vendin ku ndodhet, si dhe për të fshehur qëllimin e këtij veprimi etj. Kamuflim me rrjetë (me gjethe mjedisore). Kamuflim i zgjuar. Mënyra (metoda) kamuflimi.
3. Vendi a pozicioni ku jemi kamufluar. Kontrolluan (verifikuan, gjetën) kamuflimin.

KAMUFLUAR

KAMUFLÚAR (i, e) mb., libr. 1. Që është kamufluar; që është i maskuar për të mos u diktuar a për të mos u zbuluar nga të tjerë. Vend (repart ushtarak) i kamufluar.
2. fig. I fshehur; joreal, i pavërtetë; i rremë. Ide (pikëpamje, qëllime) të kamufluara.
✱Sin.: i fshehur, i maskuar, i rremë, joreal.

KAMUFLUES

KAMUFLÚES,~E mb., libr. 1. Që të kamuflon; që përdoret a shërben për të kamufluar vendndodhjen, qëllimin e vërtetë etj. Çadër kamufluese.
2. edhe fig. Që të kamuflon; i rremë, i gënjeshtërt. Metoda (mënyra, mjete, qëllime) kamufluese.
✱Sin.: maskues, joreal, i pavërtetë.

MANDAT

MANDÁT,~I m. sh. ~E, ~ET 1. drejt. Fuqi e plotë që i jepet dikujt për të ushtruar një detyrë gjatë një kohe të caktuar; dokumenti zyrtar që vërteton këtë të drejtë. Mandat parlamentar. Mandati i deputetit (i përfaqësuesit) fuqia e plotë që zgjedhësit i japin deputetit për t’i përfaqësuar në Kuvendin Popullor; dokumenti përkatës i deputetit. Komisioni i mandateve. Vërtetimi i mandatit. I hoqën mandatin. I zgjati mandatin.
2. hist. E drejtë që u jepte Lidhja e Kombeve disa shteteve anëtare të saj për të administruar disa territore që iu shkëputën fuqive të mundura në Luftën I Botërore. Territore nën mandat. Sistemi i mandateve formë e kamufluar e shtypjes koloniale. Populli shqiptar hodhi poshtë çdo formë mandati mbi Shqipërinë.

ORDINER

ORDINÉR,~E mb. 1. Që është i zakonshëm, i përditshëm, i rëndomtë; pa vlera të veçanta. Njeri ordiner. Hajdut (kriminel) ordiner. Krime ordinere. Të dënuarit ordinerë.
2. si em. m. e f. Sipas kuptimit të mbiemrit. Këtu nuk hyjnë ordinerët, hyjnë ata më të rrezikshmit. Ordiner rruge. Fati i përplasi me ordinerë të kamufluar si të dënuar politikë.

SHKALLINË

SHKALLÍN/Ë,~AII f. sh. ~A, ~AT (lat. Squatina-squatina) Lloj peshkaqeni me trup të rrafshët, që peshon deri në 100 kg, që e kalon pjesën më të madhe të kohës të kamufluar në fund të shtratit të detit, duke u zënë pritë peshqve. Kamuflimi i shkallinës. Shkallina është specie e rrezikuar.

TEBDIL

TEBDÍL,~I m. sh. ~Ë, ~ËT bised., vjet. 1. Njeri që ka ndryshuar veshjen dhe pamjen për të mos u njohur; njeri i maskuar, i kamufluar.
2. Kloun, palaço që zbavit njerëzit dhe i bën për të qeshur nëpër dasma a nëpër rrugë a sheshe. Erdhën nja tre tebdilë mbrëmë më dasmë, nuk e morëm dot vesh se cilët ishin.
✱Sin.: kloun, palaço.

TEBDILE

TEBDÍL/E,~JA f. sh. ~E, ~ET bised., vjet. 1. Ajo që ka ndryshuar veshjen dhe pamjen për të mos u njohur; grua a vajzë e maskuar, e kamufluar.
2. Kloune që zbavit njerëzit dhe i bën për të qeshur nëpër dasma, rrugë e sheshe.

TEBDILUAR

TEBDILÚAR (i, e) mb. Që është veshur tebdil. Ikte rrugës i tebdiluar.
✱Sin.: i maskuar, i kamufluar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë