Fjalori

Rezultate në përkufizime për “kamatë”

Mëso si ta përdorësh
<<< Kthehu te kërkimi kryesor në fjalor

AKTIV

AKTÍV,~EII mb., fin. 1. Që ka më shumë të ardhura se shpenzime, që del me të ardhura më të mëdha se shpenzimet; që ka të bëjë me aktivin e bilancit. Llogari aktive. Kredi aktive. Kamatë aktive. Bilanc aktiv bilanc ku të ardhurat janë më të mëdha se shpenzimet. Bilanc aktiv (libr.) gjendje kur janë arritur suksese të mëdha në punë. Bilanci aktiv tregtar.
2. Që zhvillon veprimtari tregtare të një shteti, të një populli, që eksportin dhe importin e mallrave e kryen me kapitalin e vet dhe me fuqinë e vet punëtore; kund pasiv. Tregti aktive. Forcë prodhuese aktive. Eksport (import) aktiv i mallrave. Ndërmarrje tregtare aktive.

FAIZ

FAÍZ,~I m. sh. ~E, ~ET Fajde. Jepte para me faiz.
✱Sin.: fajde, kamatë, interes.

FAJDE

FAJDÉ,~JA f. sh. ~, ~TË [FÁJD/E,~JA f. sh. ~E, ~ET] 1. Shumë në të holla që merr fajdexhiu mbi borxhin e dhënë. Jepte para me fajde.
2. fig. Dobi. S’bën fajde ajo punë.
✱Sin.: kamatë, interes, faiz.

GJEDHESHTËR

GJEDHÉSHT/ËR,~RA f. sh. ~RA, ~RAT Interesi që merrej për një shumë të hollash të dhëna hua, kamatë. Lejohet gjedheshtra. Ndalohet gjedheshtra për huat për blerje veglash makine.

INTERES

INTERÉS,~I m. sh. ~A, ~AT 1. Vëmendje e kujdes i veçantë që tregoj për dikë a për diçka që ka rëndësi ose që më pëlqen, interesim; prirje drejt dikujt a diçkaje që na tërheq, dëshirë për t‘u afruar me të, për ta njohur më mirë etj. Interes i veçantë (i përgjithshëm). Interesi i fëmijëve (i nxënësve, i lexuesve). Tregim me interes. Gjë me interes gjë që të tërheq vëmendjen a që meriton vëmendje; gjë me rëndësi. Çështje pa interes çështje që nuk meriton vëmendje e që nuk na tërheq, çështje pa rëndësi. Kam (tregoj) interes për dikë a për diçka. Rritet (shtohet) interesi. Zgjon (ngjall, paraqit) interes. Pres (shoh, lexoj, ndjek) me interes.

2. Ajo që është në dobi të dikujt a të diçkaje, ajo që e kërkon e mira e dikujt a e diçkaje; gjë që të sjell përfitim; e mira, dobia. Interesa jetësorë. Interesat kombëtarë (të përbashkët). Interesi shoqëror. Interesat e atdheut (e shoqërisë). Përfaqësues (shprehës) i interesave të një klase (të një grupi, të një shteti). Ishte në interesin e tij. Kundër interesave të tij. I bashkojnë (i lidhin) interesat. Marr parasysh interesat e dikujt. Prek interesat e dikujt. Vë interesin e përgjithshëm mbi atë vetjak.

3. fin. Pjesa e fitimit që nxirret me një përqindje të caktuar për të hollat që janë vënë në bankë ose që janë dhënë hua, fitim që sigurohet nga një hua a nga një kredi e dhënë; kamatë. Interes i thjeshtë (i përbërë). Interes bankar. Kredi me interes. Hua pa interes. Merr (paguan) interesin.

✱Sin.: interesim, dobi, kamatë, fajde, uzurë.

KAMATAR

KAMATÁR,~I m. sh. ~Ë, ~ËT 1. Ai që është i pasur a i kamur. Kamatari s’pyet për të varfrit.
2. fin. Ai që jep ose merr hua me kamatë, huadhënës ose huamarrës.
✱Sin.: pasanik, kamës.

KAMATARI

KAMATARÍ,~A f., fin. 1. Të dhënët ose të marrët hua (kryesisht para) me kamatë.
2. Të qenët kamatar; profesioni i kamatarit.

KAMATË

KAMÁT/Ë,~A f. 1. fin. Interesi ose pjesa e fitimit e shprehur me përqindje që merr kamatari për një hua a një borxh; kamatëvonesë. Kamatari jep hua me kamatë. Paguaj kamatën.
2. fig., keq. Ryshfeti a bakshishi që merr dikush për një ofertë, për një privilegj ose për një të mirë që ka bërë.
✱Sin.: kamatëvonesë, ryshfet, bakshish.

KAMATËPAGUES

KAMATËPAGÚES,~I m. sh. ~, ~IT fin. 1. Ai që paguan kamatë.
2. si mb. Që paguan kamatë. Personi kamatëpagues.

KAMATËVONESË

KAMATËVONÉS/Ë,~A f. sh. ~A, ~AT fin. Shtesa mbi kamatën që merr ose jep dikush për një kredi ose për një hua për shkak të vonesës kontraktuese; kamatë.

KREDI

KREDÍ,~A f. sh. ~, ~TË 1. fin. Para me interes ose me kamatë, të cilat një bankë a një kredidhënës i jep hua dikujt, me kusht që kredimarrësi t’i shlyejë ato pak e nga pak dhe brenda një afati të caktuar; shuma a sasia e këtyre parave. Kredi me afat të gjatë (të shkurtër). Kredi pa afat. Kredi të këqija para me interes që nuk i kthehen kredidhënësit ose shlyhen me shumë vonesë. Kredi me interes të lartë. Jap (marr) kredi. Shlyej kredinë. Ngrihet (ulet) interesi i kredisë. Harxhoi kot (tërë) kredinë.
2. fin. Dhënia e një kredie; mënyra se si jepet një kredi; dokumenti i kredisë; kreditim. Firmos (nënshkruaj) kredinë.
3. fig., libr. Garanci e madhe, besim a ndikim i madh, që ka dikush tek një shok a mik; mirëbesim; konsideratë. Kam pasur kredi tek ai, por tani nuk e kam.
✱Sin.: kreditim, mirëbesim, konsideratë.

PAKAMATË

PAKAMÁTË (i, e) mb. Që jepet pa kamatë. Borxh i pakamatë. Kredi (hua) e pakamatë.

PAPAGUAR

PAPAGÚAR (i, e) mb. 1. Që ka mbetur pa iu paguar atij që i takon; kund. i paguar. Rroga të papaguara.
2. Që nuk është shlyer; i palarë. Borxh i papaguar. Kamatë e papaguar. Qira e papaguar.
✱Sin.: i paderdhur, i pashlyer, i pakthyer, i palarë, i pashpërblyer, i prapambetur.

SENET

SENÉT,~I m. sh. ~E, ~ET vjet. Dëftesë me të cilën vërtetohej marrja e një huaje me kamatë ose shitja dhe blerja e një malli. Jep hua me senet. Bënin senet. I kaloi afati senetit. Gjeti defterë me senete për borxhe.
✱Sin.: premtim, garanci, faturë.

UZURË

UZÚR/Ë,~A f. vjet. Kamatë që merrej mbi paratë e dhëna borxh, interes. Para me uzurë.
✱Sin.: interes, kamatë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë