Fjalori

Rezultate në përkufizime për “kallëzuesor”

Mëso si ta përdorësh
<<< Kthehu te kërkimi kryesor në fjalor

ADJEKTIV

ADJEKTÍV,~I m., gjuh. Mbiemër. Adjektiv cilësor (përcaktor). Adjektiv foljor (kallëzuesor). Adjektiv i pacaktuar. Adjektiv i nyjshëm (i panyjshëm).

KALLËZUESOR

KALLËZUESÓR,~E mb., gjuh. Që kryen funksionin e kallëzuesit. Fjali kallëzuesore fjali me vlerën e kallëzuesit emëror. Përcaktor kallëzuesor gjymtyrë e dytë plotësuese e fjalisë.

PA

PA pj. 1. Përdoret përpara një foljeje ose një fjale tjetër me funksion kallëzuesor për të zbutur urdhrin, kërkesën etj. që shprehet prej saj. Pa na i thuaj! Pa mendoni pak! Pa të bëjmë pak hesap! Pa eja këtu! Pa hë, de!
2. Përdoret me një pjesore për të ndërtuar formën e pashtjelluar mohore. S’la gurë pa lëvizur. S’la gjë pa bërë. Qëndroi një kohë të gjatë pa folur. U nis pa zbardhur dita. Liria s’fitohet pa derdhur gjak.
3. Përdoret kur duam ta bëjmë më të gjallë, më të ngrohtë etj. bisedën ose kur flasim për diçka që vjen a që ndodh pas diçkaje tjetër, si edhe kur zë fill ligjërimi, tregimi etj. Pa nisi kënga, valle merr rinia. Pa erdhi dimri. Pa u hap fjala anë e mbanë. Pa, kur filloi të punonte, ç’të shihje. Pa, do ti, edhe këtu e tregoi veten.
4. Përdoret kryesisht në fjali pyetëse për të theksuar ndjenjën e folësit ose qëndrimin e tij ndaj asaj që thotë, për të rritur fuqinë shprehëse të ligjërimit etj.; se. Mirëpo kush besonte pa? E për kë foli pa! Çfarë stuhie pa!
5. Përdoret në fund të fjalisë kur e ndërpresim ligjërimin me qëllim që të lihet e nënkuptuar diçka që do të ndodhte, do të bëhej, do të ndërmerrej etj. si kundërveprim. S’e pashë, pa nuk do ta lija të nisej. S’e mori vesh, pa do të ishte përgjigjur.

PLOTËS

PLÓTËS,~I m. sh. ~A, ~AT gjuh. 1. Rrethanor.
2. Pjesë e parë e emërtimeve të pathjeshta për disa lloje plotësash: Plotës argumenti. Plotës dallimi plotës emëror. Plotës kallëzuesor. Plotës kohe. Plotës krahasimi. Plotës kufizimi. Plotës mënyre. Plotës mjeti. Plotës qëllimi. Plotës rrethanor. Plotës sasie. Plotës shkaku. Plotës shoqërimi. Plotës thirror thirrori. Plotës vendi. Plotës vepruesi.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë