Fjalori

Rezultate në përkufizime për “kalibër”

Mëso si ta përdorësh
<<< Kthehu te kërkimi kryesor në fjalor

ARTILERI

ARTILERÍ,~A f., usht. 1. përmb. Tërësia e armatimeve luftarake, që përbëhet nga armë zjarri të rënda si topat, obusët, mortajat, raketat etj., të cilat kanë kalibër më të madh se pushka e mitralozi, kanë kapacitet të madh shkatërrues dhe godasin objektiva të largët me saktësi të lartë; tërësia e këtyre armëve që ka një ushtri ose një njësi. Artileria e lehtë (e rëndë). Artileria kundërajrore (bregdetare, kundërtanke). Artileria reaktive. Artileri e teknologjisë së lartë. Artileri moderne vetëlëvizëse. Qitje artilerie. Zjarri i artilerisë. Përgatitje artilerie goditje me artileri para sulmit. Zbulim artilerie. Qëlloj (godit, sulmoj) me artileri. Breshëri e artilerisë.
2. Lloj trupash ushtarake të pajisura me armë zjarri të rënda si topa, obusë, mortaja etj. Arma e artilerisë. Repart artilerie. Oficer artilerie. Dita e artilerisë.
3. Dega që studion armët e rënda të zjarrit, ndërtimin dhe përdorimin e tyre luftarak; degë e ushtrisë që specializohet për përdorimin e armëve të rënda. Teksti i artilerisë. Roli i artilerisë në luftë.
4. fig. Mjete të fuqishme për të arritur një qëllim. Ia lëshoi artilerinë prapa.

KALIBRIM

KALIBRÍM, ~I m. sh. ~E, ~ET spec. 1. Verifikimi a përcaktimi i kalibrit të një arme, të një detali a vegle etj. Kalibrimi i armës (i topit). Kalibrimi i farërave.
2. tek. Kalibër. Verifikoj kalibrimin.
✱Sin.: verifikim, kalibër.

KALIBËR

KALÍB/ËR,~RI m. sh. ~RA, ~RAT spec. 1. usht. Diametri i brendshëm me përmasa të caktuara i një tubi, i tytës së një arme etj. Pushkë me kalibër 0. 72 mm. Kalibri i pushkës. Mat (verifikoj) kalibrin.
2. tek. Përdorëse a vegël e posaçme për të matur ose për të verifikuar cilësitë e duhura të një detali, të një malli etj. Kontrolloj (verifikoj) përmasat e instrumentit me kalibër.
3. edhe fig. Cilësi pozitive e dikujt; nivel i lartë i dikujt a i diçkaje; shkallë. Lojtar (sportist) i kalibrit ndërkombëtar. Arritje të kalibrit të lartë.
✱Sin.: përmasë, shkallë, nivel.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë