Fjalori

Rezultate në përkufizime për “kacer”

Mëso si ta përdorësh
<<< Kthehu te kërkimi kryesor në fjalor

BRIDREJTË

BRIDRÉJTË mb. 1. Që i ka brirët drejt përpjetë (për bagëtinë); kund. brishtrembër. Dhi bridrejtë.
2. si em. m. e f. Sipas kuptimit të mbiemrit.
✱Sin.: brihell, kacer, brikacorr, briheshtë.

BRIKAPROLLE

BRIKAPRÓLLE mb. 1. Që i ka brirët të drejtë përpjetë si të kaprollit (zakonisht për dhitë ose për lopët).
2. si em. f. Sipas kuptimit të mbiemrit. I iku brikaprollja nga tufa.
✱Sin.: bridrejtë, brihell, kacer, brikacorr, briheshtë.

KACER

KACÉR,~E mb. 1. Që ka brirë të drejtë dhe të ngritur përpjetë, brihell. Dash kacer. Dhi kacere.
2. Që ka mustaqe me majë të ngritura përpjetë. Ka mustaqe kacer.
3. fig. I prapë; ters. Fëmijë kacer.
4. si em. m. e f. Sipas kuptimit të mbiemrit.
✱Sin.: brihell, i prapë, ters.

PRAPË

PRÁPË (i, e) mb. 1. bised. I prapmë; kund. i mbarë, i përparmë. Ana e prapë e xhaketës.
2. Që bën prapësi, që nuk rri urtë, që nuk lë dy gurë bashkë; kund. i mbarë. Fëmijë i prapë. Djalë (njeri) i prapë.
3. Që zihet me të tjerët, që nuk ka sjellje të mirë; që shkon keq me njerëzit; i vrazhdë, i ashpër, i egër (për njerëzit); kund. i mbarë. Ishte njeri i prapë.
4. I pashtruar, i egër (për kafshët). Mushkë e prapë. Kalë i prapë. Lopë e prapë.
5. I thyer, i egër (për një vend). Vend i prapë. Rrugë e prapë.
6. I furishëm, i fortë; i ashpër, i egër; i keq. Erë e prapë. Mot i prapë. Lajmi i prapë, vjen me vrap. (fj. u.).
7. Shumë i zoti dhe i shkathët; i papërmbajtur. Gjahtar i prapë. Trim i prapë.
8. Jo dashamirës, i ashpër, i vrazhdë, i egër (për qëndrimin, sjelljen etj. të dikujt). Sjellje e prapë. Fjalë të prapa.
✱Sin.: i prapmë, i mbrapshtë, i prapësht, mbrapshtar, prapalaq, ters, i paudhë, djemnushë, shkapërdhi, abrash, çapraz, çakërr, kacer, noksan, naks, nopran, xanxar, i vështirë, i ashpër, i thyer, i furishëm, i keq, i vrazhdë, këmbëters, grindavec, i egër, i pashtruar, zevzek, orëprapë, haram, i panafakë, zemërak, dashakeq, gazep, gazepqar, sherret, trazovaç, djallëzor, i djallëzuar, i regjur.
♦ E ka këmbën të prapë (dikush) sjell fatkeqësi, është këmbëters.

VEGËHOLLË

VEGËHÓLLË mb. Që i ka kërcinjtë të hollë, me këmbë të holla, kërcihollë, këmbëhollë, kacer (i dobët fizikisht); kund. vegëtrashë (kryes. për një vajzë të vogël). Vajzë vegëhollë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë