Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
BORROÇÍT/EM jovep., ~A (u), ~UR 1. vetv., vet. v. III Hakërrohet e zhgërryhet, duke u ndeshur për brirësh me një tjetër (për demat). Demi borroçitej nëpër pluhur. Sikur je borroçitur gjithë ditën në lerë. Mos m'u borroçit si dem Divjake. (fj. u.).
2. fig., vetv. Mundem, rrihem, përfytem me dikë. Borroçiten si fëmijë. U borroçitën me njëri-tjetrin.
✱Sin.: zhgërryhem, shkarëzehem, shakullisem, zhguritem, përfytem, kapem, kacafytem, mundem, zihem, fytafytem, kacambytem, përlëfytem, grykem, mbërthehem, përlahem, kërleshem, gjelafytem, mbrehem, ngjokem.
►BRINJ/ÓHEMII jovep., ~ÓVA (u), ~ÚAR vetv. 1. vet. v. III Ndeshen kokë më kokë (për kafshët). U brinjuan deshtë (demat).
2. fig. Mbledh forcat për të bërë diçka që kërkon fuqi. Duhet të brinjohesh mirë për ta lëvizur këtë shkëmb.
✱Sin.: përfytem, kapem, kacafytem, mundem, fytafytem, kacambytem, zihem, përlëfytem, grykem, grykosem, kapërthehem, mbërthehem, karfosem, përlahem.
►KACAFÝT/EM jovep., ~A (u), ~UR 1. vetv. Zihem a ndeshem me dikë duke u kapur për fyti; fytafytem, kacambytem, kapërthehem.
2. vetv. Luftoj duke u përleshur trup me trup ose duke përdorur të gjitha forcat e armatimet; përfytem, karfosem, mbërthehem. Jemi kacafytur në luftë me pushtuesit.
3. fig., vetv. Përballoj një gjendje shumë të vështirë, duke u munduar t’u shpëtoj edhe pasojave me karakter ndjenjësor. U kacafytëm me pandeminë (me fatkeqësitë).
4. pës. e KACAFÝT.
✱Sin.: fytafytem, kacambytem, kapërthehem, mbërthehem, përfytem, karfosem.
►KARFÓS/EM jovep., ~A (u), ~UR 1. vetv. Zë a kap me karficë flokët, dy anët e një veshjeje etj.
2. vetv. Kopsitem. Vesh pallton dhe karfosem.
3. vetv. Kapem, puqem ose ngjitem pas dikujt a pas diçkaje. Karfosem pas murit (pas pemës).
4. vetv. Kacambytem a përleshem me dikë. U karfosën keq ata të dy.
5. Bie a rrëzohem përdhe.
6. fig., vetv. Më karfos një shqetësim i madh; mbërthehem nga një ndjenjë e fortë etj., e cila më mundon shpirtërisht.
7. pës. e KARFÓS.
✱Sin.: mbërthehem, kopsitem, kacambytem, kapem, puqem, pllakosem.
►QÉP/EM jovep., ~A (u), ~UR 1. vetv. Kap me pe të shkuar në gjilpërë rrobat e mia aty ku janë grisur o ku kanë nevojë. Qepem vetë. U qepën e u arnuan.
2. vetv., vet. v. III, fig. Puthitet fort, bashkohet e shtrëngohet fort me diçka tjetër. Iu qepën sytë për gjumë. Iu qep buza e nuk foli më.
3. vetv., fig. Kapem fort pas dikujt a diçkaje e nuk shqitem, mbërthehem pas dikujt a diçkaje me duar e me këmbë; ngjitem lart në një vend a send shumë të pjerrët me mundim e vështirësi; kacavarem me duar e me thonj për të dalë në majë. Iu qep pas trupit. U qep pas degës. Iu qep malit përpjetë. Iu qepën shkëmbit (shpatit, kodrës).
4. vetv., fig. Përleshem, kacafytem me dikë. U qep keq me të. U qepën trup me trup.
5. vetv., fig., bised. I vihem pas dikujt e nuk i ndahem, e ndjek hap pas hapi; e gjurmoj këmba-këmbës; ngulmoj. Iu qep hap pas hapi (këmba-këmbës). Iu qep vajzës. Iu qepën qentë.
6. vetv., vet. v. III Më kap një sëmundje a diçka e keqe dhe nuk më ndahet ose më përsëritet herë pas here. I është qepur gripi keq. I janë qepur fatkeqësitë.
7. pës. e QEP.
✱Sin.: kapem, zihem, fytafytem, kacambytem, ngjitem, varem.
♦ Iu qep (iu vu) *prapa (pas) (dikujt). M’u qepën *sytë.
►QEPËR/ÓHEM jovep., ~ÓVA (u), ~ÚAR 1. vetv., fig. Mbërthehem për fyti me dikë; kacafytem. Qepërohem me shokun tim.
2. pës., vet. v. III. e QEPËRÓJ.
✱Sin.: kacavarem, fytafytem, kacambytem, kapërthehem, përleshem.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë