Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
NDUK vep., ~A, ~UR kal. 1. Kap mishin dhe e tërheq lehtë duke bashkuar gishtat e dorës; pickoj; ngacmoj duke pickuar. Ndukte faqet. I ndukte krahun. Mos më nduk më.
2. I shkul pendët a puplat një shpendi, rrjep. Nduk pulën (zogun, rosën). I nduku pendët.
3. Tërheq nga pak, shkul lehtë fijet e flokëve, qimet e mjekrës a të mustaqeve; tërheq me forcë duke e kapur me maja të gishtave, shkul. Nduk mustaqet (mjekrën). I ndukte flokët. I nduku veshët.
4. Kafshoj me dhëmbë aty-këtu; i këput një copë me dhëmbë; kafshoj nga pak, brej me dhëmbë. Nduk bukën. Nduk një dardhë (një mollë). Nduk thonjtë. Ndukte buzën. Nduk gjethet (dhia). Nduk barin (delja). Nduk grepin (peshku). E nduku qeni.
5. Tërheq nga vetja dikë a diçka duke e kapur lehtë diku. Nduk frerin. Nduk litarin. Nduk nga mënga (nga krahu, nga palltoja).
6. Mbaj ndër duar diçka dhe e zhubros. Ndukte shaminë (shallin).
7. Shkul aty-këtu. Nduk barin.
8. Thith gjirin fëmija (qengji, viçi). Po nduk viçi.
9. Marr diçka që nuk më takon, me forcë apo me dredhi, zhvat. Ai vetëm të ndukë di.
10. Rrah; rrah keq; zhdëp. E zuri në një cep dhe e nduku paq.
11. E mund dikë në lojë. Do të të nduk në shah, ke për ta parë!
12. Shprish leshin për ta lënurur. E nduku mirë e mirë leshin.
✱Sin.: rrufshoj, kaçanduk, përqok, çnduk, stok, shkalafis, sharanduk, pickoj, çukis, çupis, rrudh, rrjep, shkul, kafshoj, brej, çepkas, kërpis, tërheq, zhubros, rrah, zhdëp, mund, shkrif.
PICK/ÓJ vep., ~ÓVA, ~ÚAR kal. 1. I kap mishin dikujt me gishtin e madh të dorës e me treguesin dhe ia shtrëngoj deri sa t’i dhembë; ia shtrëngoj fort mishin me diçka (me darë, me pincë etj.). E pickoi lehtë. E pickoi në krah.
2. E shpoj me një send me majë të mprehtë, e thumboj. E pickoi me gjilpërë. E pickoi bleta (mushkonja, grerëza). E pickoi gjarpri. Të pickon me sqep.
3. muz. E bëj të dridhet një tel violine, mandoline etj. duke e kapur me gishtin e madh dhe me treguesin.
✱Sin.: pisk, cimbidh, cimb, nduk, kaçanduk, përqok, ngjok, thumbon, quk, çukit, ha, kafshon, përqok, shpoj, kap, ngacmoj, çaj, çuk, cimbis, çmorris, zë, dredh.
SHARAMANDÚK vep., ~A, ~UR kal. 1. E kap dikë për faqesh a për ndonjë pjese trupi, sharanduk, nduk. E sharamanduku si fëmijë. E sharamanduku të voglin në faqe.
2. Rrah shumë dikë, shqep, zhdëp. E sharamanduku paq.
3. E ndaj në pjesë, e shkëpus diçka nga e tëra, zhvat. E sharamanduku mishin pjesë-pjesë.
✱Sin.: sharanduk, nduk, kaçanduk, shqep, zhdëp, zhvat.
SHARANDÚK vep., ~A, ~UR kal. 1. E nduk fort në faqe a trup dikë, e zhvat; kaçanduk zhdulas. E sharanduku mirë. Bisha e sharanduku prenë e vet.
2. E rrah shumë, e shqep së rrahuri; zhdëp. Po sharandukte fëmijën në dru. E sharanduku deri sa e la si të vdekur.
✱Sin.: nduk, kaçanduk, sfok, sharamanduk, zhdulas, shnduk, rrokullis, shqep, zhdëp, zhvat.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë