Fjalori

Rezultate në përkufizime për “kaçakçe”

Mëso si ta përdorësh
<<< Kthehu te kërkimi kryesor në fjalor

CUBNISHT

CUBNÍSHT ndajf. Siç veprojnë cubat, si kusarët, pabesisht. Lëvizja do të bëhej vetëm natën, cubnisht, dhe kurrë nëpër rrugën kryesore.
✱Sin.: kusarisht, kaçakçe, hajdutërisht, hajnisht, pabesisht, vjedhurazi.

HAJDUTÇE

HAJDÚTÇE ndajf. 1. Fshehurazi, si hajdut, hajdutërisht; vjedhurazi. Hyri hajdutçe. Iku (u largua) hajdutçe. E mori hajdutçe.
2. vjet. Kaçakçe.
✱Sin.: fshehurazi, vjedhurazi, hajdutërisht, hajnisht, kusarisht.

KAÇAK

KAÇÁK,~U m. sh. ~Ë, ~ËT 1. hist. Ai që largohej nga shtëpia e vet, jetonte fshehurazi larg njerëzve të vet dhe luftonte kundër padrejtësive shoqërore; cub. Doli kaçak. Çetë kaçakësh. Jetë kaçaku.
2. edhe fig., bised. Dikush që u fshihet organeve shtetërore dhe nuk shfaqet për një periudhë kohe të gjatë në publik; vjedhës (gjërash të vogla). Jetë kaçaku. U bë kaçak (dikush) ka munguar për një kohë të gjatë në shtëpi dhe nuk dimë ku banon.
3. si ndajf., bised. Si kaçak; kaçakçe. Jetonte kaçak.
✱Sin.: cub, vjedhës.

KAÇAKÇE

KAÇÁKÇE ndajf. 1. hist. Në mënyrë kaçake, ashtu siç jetojnë ose siç sillen dhe veprojnë kaçakët. Jetonte kaçakçe.
2. edhe fig. Në mënyrë klandestine, duke iu fshehur organeve doganore, jo legalisht; fshehurazi. Shiste e blinte kaçakçe.

VJEDHURAZI

VJÉDHURAZI ndajf. Përdoret për të treguar mënyrën e një veprimi; në mënyrë vjedharake; si vjedhës; pa u vënë re nga të tjerët, fshehurazi. Ia mori vjedhurazi. Hyri (u afrua, iku) vjedhurazi. E shikoi vjedhurazi.
✱Sin.: fshehtas, fshehurazi, tinëzisht, hajdutërisht, vjedhas, kusarisht, vjedhurisht, hajnisht, hajdutçe, kaçakçe, cubnisht.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë