Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ADOBÁSH,~I m. sh. ~Ë, ~ËT vjet., etnogr. 1. Ai që i rri pranë atij që mban flamurin në një dasmë; njeri i urtë dhe këshillues që shoqëron flamurmbajtësin (bajraktarin) që u prin krushqve. Bajraktarin e ri e shoqëronin dy adobashë. Adobashi u nis i pari.
2. I dyti në rreshtin e mihjes a të punëve të tjera të fushës; ndihmës, ndihmëtar i rendatarit. Ai rrinte pas si adobash. Na vuri zorin adobashi.
✱Sin.: ndihmës, ndihmëtar, mbështetës.
KOLEGJIÁL,~E mb., libr. Që përbëhet nga një grup kolegësh a specialistësh këshillues, të cilët kanë përgjegjësi e të drejta më të mëdha profesionale; që është veçori e punës me kolegë. Frymë kolegjiale. Organ (bashkëpunim) kolegjial. Në mënyrë kolegjiale.
KONSULÉNT,~E mb., libr. Që ka karakter këshillues; këshillues.
KONSULTÚES, ~E mb., libr. Këshillues, këshillimor.
KONSÚLT/Ë,~A f. sh. ~A, ~AT libr. 1. Mbledhje me specialistë ku shqyrtohet gjendja, jepen këshillime, shkëmbehet përvoja për një punë, për një çështje etj.; takim a tubim këshillues; këshillesë. Konsultë për ekonominë (për reformën në arsim).
2. mjek. Takim këshillues me mjekë specialistë për gjendjen dhe rezultatet e mjekimit të një të sëmuri; pavijoni, salla dhe ndërtesa ku bëhet ky takim; këshillim. Jam në konsultë.
✱Sin.: konsultim, këshillim, këshillesë.
KËSHÍLL,~I m. sh. ~A, ~AT zyrt. 1. Emërtim i përgjithshëm për organin drejtues të pushtetit qendror ose lokal, që zgjidhet nga populli dhe ka fuqi urdhëruese e zbatuese. Këshilli i Ministrave organi më i lartë i administratës shtetërore në Republikën e Shqipërisë, kryeministria, qeveria. Këshilli i Europës. Këshilli i rrethit (i qarkut, i qytetit).
2. zyrt. Organ kolegjial e këshillues në një institucion a ndërmarrje, në një organizatë me karakter kombëtar ose ndërkombëtar, që ka karakter politik, shoqëror etj. Këshilli i Sigurimit në OKB organ i OKB-së, që përbëhet nga 15 anëtarë, nga të cilët pesë janë të përhershëm me të drejtë vetoje. Këshilli Europian organ i lartë i Bashkimit Europian që përcakton orientimet e përgjithshme politike. Këshilli i Bashkimit Europian organ qendror vendimmarrës i Bashkimit Europian. Këshilli i Lartë i Drejtësisë (në një shtet). Këshilli shkencor (pedagogjik, i profesorëve). Këshilli drejtues i partisë.
3. Lokali, ndërtesa dhe zyra ku është vendosur një organ i tillë.
KËSHILLIMÓR,~E mb., zyrt. Që lidhet me këshillën ose me këshillimin; që ka të drejtë të japë vetëm këshilla; konsultativ. Është me karakter këshillimor. Votë këshillimore. Organ këshillimor.
✱Sin.: këshillues, konsultativ.
KËSHILLTÁR,~E mb. Që këshillon, këshillues. Prind këshilltar.
KËSHILLTÁR,~I m. sh. ~Ë, ~ËT spec. 1. Ai që i jep këshilla dikujt; specialist a punonjës këshillues. Këshilltar i presidentit (i kryeministrit).
2. Ai që është ose zgjidhet si anëtar i një këshilli në një bashki etj. Këshilltar i bashkisë (në bashki).
KËSHILLÚES,~E mb. 1. Që këshillon, që bën punën e këshilltarit a të këshilltares (për prindërit, për specialistët në një institucion shtetëror, për këshilltarët në një bashki etj.); këshilltar. Prind këshillues. Komiteti (grupi, mjeku) këshillues.
2. edhe drejt. Që jepet si këshillë, që vlen si këshillë; që ka karakter këshillimor (në një organ); konsultativ. Fjalë (votë) këshilluese.
2. si em. m. e f. Sipas kuptimit të mbiemrit.
✱Sin.: konsultativ, këshillimor.
MENTÓR,~III m. sh. ~Ë, ~ËT 1. Udhëheqës shkencor. Mentorët e universiteteve.
2. Këshillues i mençur, mësues që të këshillon. Adoleshenti mësoi duke parë mentorin e tij.
PSIKOLÓG,~U m. sh. ~Ë, ~ËT 1. Ai që merret me psikologji, specialist në psikologji. Psikolog këshillues. Psikolog shkollor. Psikolog ligjor. Psikolog e licencuar. Psikolog krahasues.
2. bised. Ai që ka aftësinë të kuptojë shpejt e drejt gjendjen shpirtërore të dikujt tjetër dhe të merret vesh mirë me të. Ai është psikolog. Mësuesi duhet të jetë pedagog e psikolog i mirë.
TÓN,~IIII m. sh. ~E, ~ET 1. fiz. Tingull i rregullt në një lartësi të caktuar, që prodhohet nga lëkundje të njëpasnjëshme të valëve të ajrit; tingulli në kundërvënie me zhurmën. Ton i thjeshtë (i përbërë). Ton i lartë (i ulët). Tone dhe zhurma. Ton i pastër.
2. muz. Tingull muzikor; intervali më i madh ndërmjet dy notave të njëpasnjëshme në gamën muzikore; tingull muzikor bazë, me të cilin nis një këngë a një vepër tjetër muzikore. Gama ka pesë tone dhe dy gjysmëtone. Një ton më lart (më poshtë, më ulët). I dha tonin korit (orkestrës).
3. Karakteristikë e zërit të njeriut kur flet a kur këndon; forca a lartësia e zërit kur flasim. Ngre (ul) tonin. Fliste me ton të lartë (të ulët). Me ton komandues (urdhërues).
4. zakon. sh., libr. Nuancë e hollë e një ngjyre, ngjyra a nuanca nga anon një ngjyrë tjetër. Me tone të hapura (të çelura). Me tone të errëta. Tonet e ngjyrës.
5. Mënyrë si flasim a si shkruajmë, mënyrë si i themi gjërat për të shprehur me qartë ndjenjat, qëndrimin e vlerësimin tonë për dikë a për diçka. Me ton të ashpër (të butë). Me ton të ngrohtë (të ftohtë). Me ton lutës. Me ton atëror (këshillues). Me ton të prerë (të vendosur). Me ton tallës (qortues). Me ton zyrtar. Iu përgjigj me po atë ton. Ndërroi (ndryshoi) tonin. Me ton hakërrues.
✱Sin.: tingull, zë, ngjyresë, ngjyrim, intonacion.
♦ I jep tonin (diçkaje) libr. e përcakton diçka, e bën të marrë një drejtim a një rrugë të caktuar (një mbledhje, një punë etj.); bën diçka që shërben si shembull për të tjerët, bëhet shembull për diçka.
UDHËZÚES,~E mb. 1. Që përcakton rrugët dhe mënyrat për të bërë një punë a për të zhvilluar një veprimtari, që tregon si të veprosh; që përmban udhëzime. Material udhëzues. Shkresë udhëzuese. Rregulla udhëzuese. Tekst udhëzues.
2. tek. Që përcakton drejtimin nga duhet të lëvizë një vegël tjetër. Mekanizmi udhëzues. Vidhë udhëzuese. Boshti udhëzues.
✱Sin.: këshillues, pasaportë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë