Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
AEROTERAPÍ,~A f. sh. ~, ~TË mjek. Mjekim me ajër, kurim dhe shërim me ndihmën e ajrit; mjekim klimatik në ajër të pastër, qëndrim në mal, në bjeshkë, në bregdet ku ka ajër të pastër, për të kuruar zakonisht sëmundjet e mushkërive. Aeroterapia mjekuese. Këshillim për aeroterapinë. Aeroterapi për mushkëritë. Aeroterapi për shqetësimet e zemrës.
AUTOKRATÍZ/ËM,~MI m. sh. ~MA, ~MAT pol. Ideologji, sistem, mënyrë qeverisjeje ku vendimet merren nga një individ (autokrat) pa këshillim me popullin apo institucionet përfaqësuese të tij; ushtrim autoritar i pushtetit, pushtet absolut. Regjim autokratizmi. Parimet e autokratizmit. Autokratizëm shtetëror. Autokratizmi modern. Kthim drejt autokratizmit. Formë e autokratizmit. Ra në grackën e autokratizmit.
✱Sin.: autarkizëm, autarki, autokraci, absolutizëm, despotizëm, tiranizëm, monarkizëm.
DUSH,~I m. sh. ~E, ~ET 1. Mjet i posaçëm për të larë trupin, që e lëshon ujin si shi nëpërmjet një hinke të mbyllur me vrima të dendura; kthinë e veçantë ku është vendosur ky mjet. Dhoma e dushit. Dhomë me dush (në hotel). Lahet në dush. Ka katër dushe.
2. Larja e trupit me anë të këtij mjeti; banjë. Dush me ujë të ngrohtë (të ftohtë). Bëri një dush.
3. fig. Qortim a këshillim ose njoftim etj. që e sjell dikë në vete. I dha një dush të mirë. Për të qe një dush i ftohtë.
KONSÚLT/Ë,~A f. sh. ~A, ~AT libr. 1. Mbledhje me specialistë ku shqyrtohet gjendja, jepen këshillime, shkëmbehet përvoja për një punë, për një çështje etj.; takim a tubim këshillues; këshillesë. Konsultë për ekonominë (për reformën në arsim).
2. mjek. Takim këshillues me mjekë specialistë për gjendjen dhe rezultatet e mjekimit të një të sëmuri; pavijoni, salla dhe ndërtesa ku bëhet ky takim; këshillim. Jam në konsultë.
✱Sin.: konsultim, këshillim, këshillesë.
KËSHÍLL/Ë,~A f. sh. ~A, ~AT Porosi, mësim a mendim me karakter edukativ, që i jepet dikujt (zakonisht një fëmije, një njeriu pa përvojë etj.) për ta ndihmuar ose për ta mësuar se si të sillet, si të veprojë për të kryer më mirë një punë, një detyrë etj.; këshillim. Këshillë prindërore. Këshillë e urtë. Këshilla e mjekut.
✱Sin.: këshillim, këshillëmirë, mësim, rekomandim.
NDËRKËSHILLÍM,~I m. sh. ~E, ~ET Shqyrtim i hollësishëm i një çështjeje ndërmjet disa vetave ose nga qeveritë e disa shteteve që bëjnë pjesë në një organizatë për të marrë një vendim a për të arritur në një përfundim, këshillim. Ndërkëshillimi rezultoi i suksesshëm.
PARALIGJÓR,~E mb., drejt. Që ka të bëjë me këshillim ligjor a ndihmë juridike parësore falas, zakonisht për të drejtat e qytetarëve dhe për shkeljet e tyre të mundshme. Institucion paraligjor. Ndihmë paraligjore. Çfarë janë proceset paraligjore dhe pse ankohen më shumë qytetarët?
PÝETJ/E,~A f. sh. ~E, ~ET 1. Veprimi kur pyes ose kur pyetem. Pyetja e dëshmitarëve. E mori në pyetje.
2. Fjalë që i drejtohen dikujt për të marrë vesh a për të sqaruar diçka dhe që kërkojnë përgjigje. Pyetja e parë (e dytë...). Pyetje e vështirë. Breshëri pyetjesh. Bëj një pyetje. E bombarduan (e çoroditën) me pyetje. Pyetje retorike (let.) pyetje që bëhet për t’i tërhequr vëmendjen lexuesit ose dëgjuesit, duke pohuar diçka në trajtën e një pyetjeje, që e ka vetë përgjigjen brenda.
3. Fjalët që u drejton mësuesi nxënësve për përmbajtjen e mësimit që të kontrollojë dijet e tyre; kërkesat që u jepen nxënësve a studentëve në provim, të cilave ata duhet t’u përgjigjen me gojë a me shkrim. Pyetje e lehtë (e vështirë). Pyetja e parë (e dytë). Pyetjet e provimit. Biletë me dy (me tri) pyetje. Iu përgjigj të gjitha pyetjeve. Ç’pyetje të ra?
4. Çështje që duhet zgjidhur a sqaruar. Lind (del, vjen, shtrohet, vihet) pyetja.
✱Sin.: kërkesë, sqarim, këshillim, ngritje, kontroll, detyrë, çështje, problem.
REKOMANDÍM,~I m. sh. ~E, ~ET 1. Veprimi kur rekomandoj dikë ose diçka; veprimi kur rekomandohem. Rekomandimi i literaturës. Rekomandimi i një shoku. Letër rekomandimi.
2. Këshillë, porosi ose mendim, që jepet për mënyrën si duhet vepruar a si të bëhet diçka. Rekomandimet e mjekut. Rekomandimet e mbledhjes (e komisionit). Me rekomandimin e dikujt. Me rekomandim nga lart. Kam një rekomandim. I jap rekomandime.
3. Mendim me shkrim që i jepet një autoriteti për të rekomanduar dikë, për të shqyrtuar me dashamirësi kërkesat e një kandidati etj. Rekomandimet e dy profesorëve. Paraqit rekomandimet. Jap (lëshoj) rekomandimin. I bëj një rekomandim.
✱Sin.: këshillim, këshillë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë