Fjalori

Rezultate në përkufizime për “kërcehet”

Mëso si ta përdorësh
<<< Kthehu te kërkimi kryesor në fjalor

BURRËRISHTE

BURRËRÍSHTE mb. 1. Që bëhet nga burrat; që këndohet a kërcehet nga burrat. Këngë burrërishte. - Hiqe vallen burrërishte!
2. Që është për burra, që i takon burrit. Rroba (këpucë) burrërishte. Veshi petkat burrërishte.

DISKO

DÍSKO,~JA f. sh. ~, ~T 1. Diskotekë. Muzika e diskos ishte shumë e lartë.
2. Lokal dëfrimi, ku kërcehet me muzikë të regjistruar. Daljen e parë si balerinë e ka bërë në një disko. Festuan në një disko.
3. Muzikë vallëzimi e regjistruar, që përdoret kryesisht në diskoteka.

DYSHE

DÝSH/E,~JAII f. sh. ~E, ~ET 1. Grup i përbërë nga dy qenie ose nga dy sende; çift. Dyshe dallëndyshesh (pëllumbash). Dyshja e parë. Tri dyshe. Formojnë një dyshe.
2. Valle që kërcehet nga dy veta, valle dyshe. Dyshe myzeqare. Luan (kërcen) dyshen.

FOKS

FOKS,~I m. sh. ~E, ~ET Vallëzim i shpejtë, që kërcehet në çifte, duke lëvizur këmbët para e prapa në katër kohë; muzika për këtë vallëzim. I pëlqente foksi.

KËRCEHET

►KËRC/ÉHET jovep., ~ÝE (u), ~ÝER vet. v. III 1. njëvet. Mund të vallëzohet. Nuk më kërcehet.
2. pës. e KËRCÉJ.

LËSHUEMAS

LËSHÚEMAS ndajf. 1. Veç e veç. Kërcejnë lëshuemas.
2. si mb. Që kërcehet veç e veç nga valltarët dhe jo njëherësh. Valle lëshuemas.

MAZURKË

MAZÚRK/Ë,~A f. sh. ~A, ~AT 1. Valle popullore polake që kërcehet në tri kohë; muzika e kësaj valleje e përbërë nga masa tripjesëtuese, me theks në çdo gjymtyrë të masës, në temp mesatar.
2. muz. Pjesë e vogël muzikore, që ka ritmin e kësaj valleje. Mazurkat e Shopenit.

MINUET

MINUÉT,~I m. sh. ~E, ~ET 1. Valle franceze, që kërcehet me ritëm të ngadalshëm; muzika e kësaj valleje.
2. muz. Pjesë muzikore që përbën kohën e tretë të sonatave dhe të simfonive. Filluan t’i mësonin atij një minuet dhe pak pjesë në tastierë. Minuetet e Moxartit. Gjashtë minueta për kuartet me tela.

NAPOLON

NAPOLÓN,~I m. sh. ~A, ~AT 1. hist. Monedhë ari me vlerë prej njëzet frangash ose prej njëqind lekësh. Na i mbushi xhepat me napolona. Fshatari e blinte pushkën për dy napolona.
2. etnogr. Lloj valleje popullore që kërcehet shumë në dasmat shqiptare. Kërcen napolonin.
✱Sin.: verdhushe, verdhushkë, gjel.

POGONISHTE

POGONÍSHT/E,~JA f. Valle që kërcehet nga banorët vendës të Pogonit. Kërcejnë (heqin) pogonishten.

POLKË

PÓLK/Ë,~A f. sh. ~A, ~AT muz. 1. Valle me ritëm të gjallë e të shpejtë, që kërcehet me masën prej dy kohësh.
2. Pjesë e vogël muzikore që ka ritmin e kësaj valleje.

SHKAPËRCEHEM

SHKAPËRC/ÉHEM jovep., ~ÉVA (u), ~ÝER 1. vetv. Ngatërrohem, bëj fjalë. U shkapërcyen pak me njëri-tjetrin.
2. pës., vet. v. III e SHKAPËRCÉJ.
✱Sin.: kapërcehet, kërcehet, hidhet, përshkohet.

SOLO

SÓLO,~JA f. sh. ~, ~T muz. Pjesë muzikore që këndohet me zë a luhet në një vegël nga një njeri i vetëm; pjesë valleje që kërcehet nga një kërcimtar me shoqërim ose pa shoqërim nga artistët e tjerë. Solo baleti. Solo në piano. Solo për violinë. Këndon një solo nga opera.

TRIMËRISHTE

TRIMËRÍSHTE mb. Që është për trimat dhe për trimëritë e tyre, që u kushtohet trimave e trimërive; që këndohet a kërcehet nga burrat burrërishte. Këngë trimërishte. Valle trimërishte.

VALLËZOHET

►VALLËZ/ÓHET jovep., ~ÚA (u), ~ÚAR 1. vet. v. III Hidhet, kërcehet, luhet një valle së bashku me një tjetër a me disa të tjerë. U vallëzua një valle popullore. Atje këndohet e vallëzohet. Nga të rinjtë u vallëzua pogonishtja. Nuk më vallëzohet. Vallëzuan një valle popullore.
2. vetv. Kërcehet çift me dikë një valle. Vallëzohet një tango.
3. pës. e VALLËZOJ1.

VALS

VALS,~I m. sh. ~E, ~ET muz. Lloj vallëzimi, që kërcehet në çift, i cili kërcehet duke u rrotulluar e duke lëvizur këmbët tri herë në njërën anë e tri herë në anën tjetër; pjesë muzikore me kohë tri të katërta, që kërcehet në këtë mënyrë; vepër muzikore që ka këtë ritëm. Tingujt e valsit. Kërcej (luaj) një vals. Marr një vals.

ZAMBËR

ZÁMB/ËR,~RA f., folk. Lloj valleje popullore grash, që kërcehet me ritëm të shpjetë dhe me hapa të lehtë, e shoqëruar me këngë ose me instrumente popullore (daulle, çifteli, fyell etj.). Gratë e fshatit kërcyen zambrën në dasmë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë