Fjalori

Rezultate në përkufizime për “këqyrës”

Mëso si ta përdorësh
<<< Kthehu te kërkimi kryesor në fjalor

EKZAMINUES

EKZAMINÚES,~E mb. Që lidhet me ekzaminimin, që ekzaminon. Kontroll ekzaminues i sëmundjes. Raporti ekzaminues i ekspertëve. Bordi ekzaminues. Procedura ekzaminuese.
✱Sin.: vëzhgues, kontrollues, shqyrtues, këqyrës.

KËQYRJE

KËQÝRJ/E,~A f. 1. Shikim me vëmendje; vështrim këqyrës.
2. Shqyrtim i një çështjeje.
✱Sin.: shikim, vështrim, vëzhgim, shqyrtim.

KËQYRËS

KËQÝRËS,~E mb. 1. Që këqyr, që bëhet për këqyrje; vështrues. Vëmendje këqyrëse. Kontroll (vështrim) këqyrës. Ka karakter këqyrës.
2. Shqyrtues.
✱Sin.: vështrues, shqyrtues.

VROJTUES

VROJTÚES,~E mb. 1. Që është caktuar për të vrojtuar, që vrojton. Ushtari vrojtues.
2. Që shërben për të vrojtuar. Kullë (pikë) vrojtuese.
✱Sin.: vëzhguese, këqyrës, mbikëqyrës, përgjues.

VROJTUES

VROJTÚES,~I m. sh. ~, ~IT 1. Ai që është caktuar për të vrojtuar, ai që bën vrojtime; vëzhgues. Vrojtues kufitar. Vrojtues i stacionit meteorologjik. Caktuan një vrojtues.
2. spec. Aparat i posaçëm që ndjek e përcakton diçka.
✱Sin.: vëzhgues, këqyrës, mbikëqyrës, përgjues.

VËREJTËS

VËRÉJTËS,~E mb. Që vëren, që sheh me kujdes e me një qëllim a synim të caktuar dikë a diçka; që është i vëmendshëm, vëzhgues. Djalë vërejtës. Vajzë (grua) vërejtëse.
✱Sin.: vëzhgues, vrojtues, mbikëqyrës, këqyrës, përgjues, roje, rojtar.

VËREJTËS

VËRÉJTËS,~I m. sh. ~, ~IT Ai që vëren, që sheh me kujdes e me një qëllim a synim të caktuar dikë a diçka; që është i vëmendshëm; vëzhgues Ai vërejtësi është shumë i kujdesshëm.
✱Sin.: vëzhgues, vrojtues, mbikëqyrës, këqyrës, përgjues, roje, rojtar.

VËZHGUES

VËZHGÚES,~E mb. 1. Që ka aftësinë për të vëzhguar e për të vënë re hollësi të vogla të ngjarjeve, të dukurive etj.; që depërton në gjërat, depërtues, i mprehtë. Njeri vëzhgues. Shikim (vështrim) vëzhgues. Me sy vëzhgues.
2. usht. Që është i caktuar për të vëzhguar dikë a diçka, i ngarkuar të vëzhgojë. Pikë (kullë) vëzhguese. Aeroplan vëzhgues. Anije vëzhguese.
✱Sin.: vrojtues, mbikëqyrës. këqyrës, përgjues, depërtues.

VËZHGUES

VËZHGÚES,~I m. sh. ~, ~IT 1. Ai që vëzhgon dikë a diçka. Vëzhgues i vëmendshëm.
2. Ai që është ngarkuar me një detyrë të veçantë për të vëzhguar diçka, ai që bën vëzhgime në një fushë të caktuar të veprimtarisë a që ndjek çështje të caktuara. Vëzhgues politik (ekonomik, diplomatik, ushtarak, shkencor). Marr pjesë si vëzhgues. Vëzhguesit ndërkombëtarë. Vëzhguesit i zgjedhjeve.
3. Ai që është ngarkuar të bëjë komentet në media, në një gazetë a revistë për çështje të caktuara. Komenti i vëzhguesit. Siç vënë në dukje vëzhguesit e gazetave...
✱Sin.: vrojtues, mbikëqyrës. këqyrës, përgjues, depërtues.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë