Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ALTERNÚAR (i, e) mb. Që është alternuar, që këmbehet, që shndërrohet, që ndryshohet. Mësimi i alternuar. Shpjegim i alternuar. Mot i alternuar. Kontroll i alternuar.
✱Sin.: i këmbyer, i shkëmbyer, i zëvendësuar, i ndryshuar, i ndërruar, i shndërruar, alternues, alternativ.
DALËMÉNDSH (i, e) mb. I çmendur; i luajtur mendsh, që i ka mendtë majë thanës;. Njeri i dalëmendsh. - Mos je i dalëmendsh?
✱Sin.: i shkalluar, i marrë, i lajthitur, i çartur, i luajtur, i këmbyer, i përprishur, i çakërdisur, i roitur, i ikur, kokëkrisur.
KONVERTÚAR (i, e) mb. Popullsi e konvertuar. Laikë të konvertuar. Kalendari julian i konvertuar në kalendarin gregorian. Dollarë të konvertuar në euro. Sheqer i konvertuar në alkool. Energji e konvertuar në forma të tjera të energjisë elektromagnetike.
✱ Sin.: i ndërruar, i ndryshuar, i kthyer, i përshtatur, i këmbyer, i shndërruar, i transformuar.
KËMBÝERAS ndajf. Një herë njëri e një herë tjetri; duke u këmbyer radhazi; shkëmbyerazi.
✱Sin.: këmbyerazi, shkëmbyerazi.
MALL,~III m. sh. ~RA, ~RAT 1. ek. Produkt i punës që plotëson një nevojë të njeriut dhe që prodhohet për t’u këmbyer ose për t’u shitur; send i prodhuar për t’u shitur. Mall i mirë (i lirë, i shtrenjtë). Mallra ushqimore (industriale). Mall shqiptar (i huaj). Mallra të përdorimit të gjerë. Depo mallrash. Tren (vagon) mallrash. Agjencia e mallrave. Shitja (blerja) e mallrave. Prodhimi i mallrave. Sasia (cilësia) e mallrave.
2. bised. Pasuri, kryesisht e patundshme, që mund të shitet ose të blihet; pasuri private, shoqërore a shtetërore. Malli i shtëpisë. I zoti i mallit. Mall i trashëguar. Ka mall e gjë. Është malli i shtetit. Kishte shumë mall e para. E hëngri (e shtoi) mallin. Shinte në mallin e botës (si në mallin e vet, si në mallin e babait). Mall belik (vjet.) pasuri shtetërore.
3. bised. Njeri ose send pa vlerë a pa rëndësi. E njoh mirë se çfarë malli është ai. Këto fjalë s’janë të tuat, janë mall i tjetërkujt. Mall bajat.
♦ Ka mall e gjë (gjë e mall) (dikush) është shumë i pasur; ka të gjitha të mirat, asgjë s’i mungon; të thyen kokën (kryet) (me para, me të holla); nuk ia di skajin (diçkaje); të peshon me ar. Mall pa zot (belik) shpërf. diçka, për të cilën s’kujdeset askush, diçka me të cilën gjithkush mund të bëjë ç’të dojë; diçka e lënë në mëshirë të fatit.
NDËRKËMBÝER (i, e) mb. I këmbyer në mënyrë të ndërsjellë me diçka tjetër të njëjtë ose të ngjashme.
NDËRRÚAR (i, e) mb. 1. Që është veshur me rroba të reja e me ndërresa të pastra; kund. i pandërruar. I larë e i ndërruar. I veshur e i ndërruar. Si një xhaketë e ndërruar.
2. Që është ndërruar me dikë a diçka tjetër; kund. i pandërruar. Katër drejtorë të ndërruar për dy muaj. Rojat ishin të gjithë të ndërruar. Jeton me emër të ndërruar në gjendjen civile.
3. I artisur. Domatet e ndërruara nuk zunë.
✱Sin.: i riveshur, i shkëmbyer, i ndryshuar, i këmbyer.
SHKALLÚAR (i, e) mb. 1. Që është bërë shkallë-shkallë; i shkallëzuar. Lis i shkalluar.
2. fig. Që është i luajtur nga mendtë, i çmendur, i marrë. Ky qenka djalë i shkalluar. U turr si e shkalluar.
✱Sin.: i çmendur, i ndërkryer, i marrosur, marrak, marruk, i krisur, i lajthitur, i luajtur, i lënë, i lënurur, i trentë, shkallaq, i marrë, i këmbyer, i mëkequr, çmendarak.
SHKËMBÝER (i, e) mb. 1. Që është i këmbyer me diçka tjetër që ka zakonisht vlerë të njëjtë, që është shkëmbyer; i ndërruar. Mall i shkëmbyer. Mesazhe të shkëmbyera. Monedha të shkëmbyera.
2. Që sjell një gjendje a situatë të ndryshme. Fjalë të shkëmbyera. Replika të shkëmbyera.
3. Që vjen a bëhet radhazi pas një tjetri e jo krahas tij; që shkëmbehet radhazi me një tjetër; që përsëritet një herë po e një herë jo. Gjethe të këmbyera (bot.) gjethe që në degë ose në kërcell nuk dalin çift njëra kundrejt tjetrës, por tek.
4. fig. Që është i çmendur; i shkalluar; i dalë mendsh. Djalë i shkëmbyer. Grua e shkëmbyer.
✱Sin.: i këmbyer, i ndërruar, i shkalluar, i lajthitur, i luajtur.
SHNDËRRÚAR (i, e) mb. Që ka ndryshuar rrënjësisht, që ka marrë një pamje a një formë tjetër, që ka fituar një natyrë a një përmbajtje të re, që është kthyer në një gjë tjetër; që ka ndryshuar shumë pamjen. Natyrë e shndërruar. Dukej krejt i shndërruar.
✱Sin.: i ndryshuar, i transformuar, indërruar, i këmbyer, i shkëmbyer, i kthyer.
ZËVENDËSÚAR (i, e) mb. Që është vendosur në vend të dikujt a diçkaje tjetër; që është ndryshuar; kund. i pazëvendësuar. Pjesa e zëvendësuar nuk funksionon si ajo origjinale. Huazim i zëvendësuar. Koncepti po del i zëvendësuar nga fjalë-terma të tjerë të brumit vendës.
✱Sin.: i riprodhuar, i ndërruar, i këmbyer, i shkëmbyer.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë