Fjalori

Rezultate në përkufizime për “jurisprudencë”

Mëso si ta përdorësh
<<< Kthehu te kërkimi kryesor në fjalor

AJATOLLAH

AJATOLLÁH,~U m. sh. ~Ë, ~ËT 1. Titull i lartë fetar i shiitëve në fenë islame; autoritet i pavarur, lider shpirtëror, që ka një ndikim të madh në çështjet fetare dhe politike në botën shiite.
2. Titull që u jepet udhëheqësve politikë të shtetit ose dijetarëve islamikë me njohuri të thella në teologji, në jurisprudencë islame dhe në shkenca të tjera fetare; dijetar islamik, jurist islamik.

DREJTËSI

DREJTËSÍ,~A f. 1. Të qenët i drejtë; cilësia e atij që është i drejtë; vërtetësi; kund. padrejtësi. Drejtësia e organeve ligjzbatuese. Ka drejtësi. Gjykon (vepron, punon) me drejtësi.
2. Arsye a shkak që përligj një veprim; diçka që quhet a mendohet se është e drejtë dhe e lejueshme. Me (pa) drejtësi. Drejtësia është me ne. Kërkon drejtësi. E ka me drejtësi. Drejtësia fiton. Drejtësia është te burrëria. (fj. u.). Aty ku është drejtësia, është harmonia. (fj. u.).
3. përmb. Organet që mbrojnë rendin juridik në një vend të caktuar; sistemi i institucioneve që merren me dhënien e drejtësisë; veprimtaria e organeve gjyqësore që mbështetet në ligjshmërinë, në të drejtën në fuqi. Organet e drejtësisë. Dora e drejtësisë (libr.) organet gjyqësore të një vendi. Shpata e drejtësisë (libr.) ndëshkimi që jepet nga gjykatat për një keqbërës.
4. vet. nj. E drejta I,1. Drejtësi e mohuar. Ka (kërkon) drejtësi.
5. bised. Shkenca e kësaj fushe; kjo fushë si specialitet a si profesion. Studionte për drejtësi. Student i drejtësisë.
✱Sin.: ndershmëri, çiltëri, sinqeritet, vërtetësi, e drejtë, jurisprudencë.

JURISPRUDENCË

JURISPRUDÉNC/Ë,~A f., libr. Shkenca e drejtësisë; drejtësia si specialitet a si profesion; tërësia e mendimeve apo e qëndrimeve juridike të shprehura në vendimet e gjykatave me rastin e zgjidhjes së çështjeve konkrete në praktikë. Jurisprudenca përkufizohet edhe si interpretim gjyqësor i normave juridike. Jurisprudenca krahasuese. Instituti i jurisprudencës. Diplomë jurisprudence. Merret me jurisprudencë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë