Fjalori

Rezultate në përkufizime për “joparimor”

Mëso si ta përdorësh
<<< Kthehu te kërkimi kryesor në fjalor

EKLEKTIK

EKLEKTÍK,~E mb., libr. Që lidhet me eklektizmin, i eklektizmit; që mbështetet në eklektizëm; joparimor. Filozof eklektik. Rrymë (shkollë, teori, pikëpamje) eklektike. Vepër eklektike. Ndërthurja eklektike e dy traditave.

JOPARIMOR

JOPARIMÓR,~E mb. 1. Që nuk lidhet me parimet; që nuk ka karakter të përgjithshëm; që s’është aq i rëndësishëm, që s’ka të bëjë me gjënë themelore a me atë që është thelbësore. Çështje joparimore.
2. Që nuk bëhet sipas parimesh të shëndosha, që nuk mbështetet në parime të drejta e të qëndrueshme; që është në kundërshtim me parimet; jo i drejtë. Qëndrim joparimor. Marrëveshje joparimore.

KAMELEON

KAMELEÓN,~I m. sh. ~Ë, ~ËT 1. zool. (lat. Chantaeleon chamaeleon) Zvarranik i ngjashëm me hardhjen, që ndërron ngjyrën e lëkurës në përshtatje me mjedisin. Familja (llojet) e kameleonëve.
2. fig., përb., shar. Njeri i lëkundshëm ose joparimor, me shumë faqe; njeri hipokrit që ndërron shpesh qëndrim dhe sjellje. Është një kameleon i keq!

PAQENËSISHËM

PAQENËSÍSH/ËM (i), ~ME (e) mb., libr. Që nuk ka të bëjë me thelbin e diçkaje; që nuk është i qenësishëm; jothelbësor; kund. i qenësishëm. Tipare të paqenësishme.
✱Sin.: joqenësor, jothelbësor, joesencial, joparimor.

PRAGMATIZËM

PRAGMATÍZ/ËM,~MI m. 1. filoz. Rrymë që pranon si kriter të së vërtetës vetëm atë që është e dobishme e u sjell përfitime të çastit. Përfaqësuesit e pragmatizmit. Lufta kundër pragmatizmit. Kanë rënë në pragmatizëm.
2. libr. Qëndrim joparimor, që niset nga nevojat, interesat e përfitimet e çastit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë