Fjalori

Rezultate në përkufizime për “jofetar”

Mëso si ta përdorësh
<<< Kthehu te kërkimi kryesor në fjalor

AFETAR

AFETÁR,~E mb. Që nuk beson në zotin, që nuk pranon asnjë fe; që nuk lidhet me fenë, që e kundërshton fenë. Ndjenja afetare. Botëkuptim afetar. Njeri afetar. Reagim afetar. Festë afetare.
✱Sin.: i pafe, jofetar, jobesimtar, ateist.

AFETAR

AFETÁR,~I m. sh. ~Ë, ~ËT Ai që nuk është ose nuk ndihet fetar; ai që nuk beson në zot. Është afetar. Bëhej kinse afetar.
✱Sin.: i pafe, jofetar, jobesimtar, ateist.

AFETARI

AFETARÍ,~A f. Të qenët jofetar, mosnjohja e mospranimi i asnjë feje.
✱Sin.: jofetari, afetarizëm, ateizëm.

AGNOSTIK

AGNOSTÍK,~U m. sh. ~Ë, ~ËT filoz. Agnosticist. Agnostik fetar (jofetar).

ATEIST

ATEÍST,~E mb., libr. Që mohon qenien e çfarëdo perëndie, që është kundër çdo besimi fetar; që ka të bëjë me ateizmin, që mbështetet tek ateizmi; që i shërben luftës kundër fesë. Botëkuptim ateist. Bindje ateiste. Literaturë (propagandë) ateiste. Shkollë ateiste. Edukimi ateist.
✱Sin.: jofetar, afetar, i pafe, jobesimtar.

ATEISTE

ATEÍST/E,~JA f. sh. ~E, ~ET Ajo që mohon qenien e çfarëdo perëndie, ajo që nuk beson ekzistencën e asnjë hyjnie apo fuqie mbinatyrore, pasuese e ateizmit. Ateiste verbale. Jam ateiste.
✱Sin.: jofetar, afetar, i pafe, jobesimtar.

JOFETAR

JOFETÁR,~E mb. 1. Që nuk lidhet me fenë ose që është në kundërshtim me të; që nuk i përket fesë; që nuk mbështetet në fe; kund. fetar. Ideologji jofetare. Shkollë jofetare. Botëkuptim jofetar. Festa jofetare.
2. Që nuk beson asnjë fe, që s’beson te Zoti. Shkrime jofetare.

LAIK

LAÍK,~E mb. Që nuk është fetar, që nuk ka përmbajtje fetare; që nuk merret me fenë; që nuk i përket fesë dhe klerit; kund. fetar. Njeri laik. Shkollë laike. Letërsi laike. Me prirje laike.
✱Sin.: shekullar, jofetar.

LAIK

LAÍK,~U m. sh. ~Ë, ~ËT Ai që nuk është fetar, që nuk ka përmbajtje fetare; ai që nuk merret me fenë; ai që nuk i përket fesë dhe klerit; kund. fetar. Laik i vendosur. E dënuan si laik.
✱Sin.: shekullar, jofetar.

SHEKULLAR

SHEKULLÁR,~E mb., libr. 1. Që i përket jetës laike, i botës jofetare; kund. kishtar. Pushtet shekullar. Autoritet shekullar. Botime shekullare.
2. si mb. Që i përket klerit, por nuk bën pjesë në ndonjë urdhër fetar. Meshtar shekullar. Kishte prirje shekullare. Parapëlqeu shërbimin meshtar dhe jo atë shekullar. Dijetar shekullar.
✱Sin.: laik, jofetar, profan.

SHEKULLARIZUAR

SHEKULLARIZÚAR (i, e) mb. 1. Që është liruar nga zotimet fetare duke u bërë laik, që nuk është nën ndikimin kishtar; kund. kishtar. Prift i shekullarizuar. Popull i shekullarizuar. Vlera të shekullarizuara.
2. Që ka kaluar nga pronë kishtare (zakonisht për institucione) në laike; i shtetëzuar. Institucion i shekullarizuar. Shkollë e shekullarizuar.
✱Sin.: laik, jofetar, profan, i shtetëzuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë