Fjalori

Rezultate në përkufizime për “jetos”

Mëso si ta përdorësh
<<< Kthehu te kërkimi kryesor në fjalor

JETOS

JETÓS,~E mb. Që e ka lënë këmba e dora nga pleqëria; shumë i plakur. Plak jetos.
✱Sin.: plakush, totolosh.

JETOSUR

JETÓSUR (i, e) mb. I plakur shumë; që e ka lënë këmba e dora nga pleqëria; jetos. Plakë e jetosur.
✱Sin.: i mbetur, i plakur.

PLAK

PLAK,~Ë mb. 1. I vjetër në moshë, i kaluar nga mosha; i vjetër, i moshuar. Burrë plak. Grua plakë. Qen (ujk) plak. Dhelpër plakë (edhe fig.). Ujk plak (i vjetër) (edhe fig.). Është më plak se i vëllai. Qeni plak nuk leh pas hënës. (fj. u.). Dhelpra plakë i di shtigjet. (fj. u.). S’ndërron çap pela plakë. (fj. u.).
2. bised. Që ka mbirë a është mbjellë prej shumë kohësh, që jeton prej shumë kohësh, i moçëm; i vjetër; që i ka kaluar koha, jo i njomë, i fishkur (për perimet). Rrap (lis) plak. Pyll plak. Fjalë plaka.
3. fig. Që di shumë, që ka përvojë të madhe nga jeta; që di e ka përvojë më shumë se të tjerët, i vjetër.
✱Sin.: i vjetër, i moshuar, i moçëm, jetos, plakush, plakarush, plakaman, plakarec, plakaruq, plakosh, plakuc, plakuçan, gërdhuq, gërxho, jetëngrysur, i shkuar, i jetosur, jetik, i fishkur, i përvojshëm, i thinjur.
♦ *Dhelpër plakë (e vjetër). Mbeti si *kaposhi plak keq. (dikush). *Pelë plakë me palldëm të kuq përçm. *Ujk plak (i vjetër).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë