Fjalori

Rezultate në përkufizime për “jarani”

Mëso si ta përdorësh
<<< Kthehu te kërkimi kryesor në fjalor

ASHIKËRI

ASHIKËRÍ,~A f., vjet. Të qenët ashik, ashiki, dashuri; dashuri ashikësh, sa për të kaluar kohën. Këngë ashikërie. Moshë ashikërie. Ashikëri e plakut.
✱Sin.: dashuri, ashiki, ashikërimë, jarani.

JARAN

JARÁN,~I m. sh. ~Ë, ~ËT vjet. 1. Miku i zemrës ose i dashuri i një vajze a i një gruaje; dashnor. Kishte një jaran. I vinte jarani. E gjetën me një jaran. E prisnin jaranët. - A ma ke jaranin të keq, apo je vajzë e pa jaran?
2. Shok i afërt, dashamir. Jarani i shtëpisë. Vinin e shihnin miq e jaranë. Ftoj miq e jaranë në dasmë. Jo, more jaran, kaq lirë nuk ta shes.
✱Sin.: dashnor, i dashur, mik, dashamir.

JARANI

JARANÍ,~A f. sh. ~, ~TË vjet. 1. Dashuri, zakonisht e fshehtë (edhe keq.). I dehur nga jarania. Nuk ka rini pa jarani.
2. Miqësi, lidhje miqësore a dashurore midis dy vetave; shoqëri. Kemi jarani me atë shtëpi. Jarani e fortë. Kishin jarani.
3. Shaka midis shokësh e miqsh të ngushtë, hoka. Bënte jarani! S’i linte jaranitë!
✱Sin.: dashuri, dashamirësi, miqësi, shoqëri, simpati, shaka, hoka.

SHAKA

SHAKÁ,~JA f. sh. ~, ~TË dhe ~RA, ~RAT 1. Fjalë që thuhen mes shokësh a miqsh për t’u argëtuar, pa iu dhënë fjalëve peshën që kanë zakonisht; shprehje a fraza që i drejtohen dikujt për ta ngacmuar pa të keq; lojë e vogël, çapkënllëk a rreng, që i bëjmë dikujt për të qeshur me të, pa dashur ta fyejmë e pa ndonjë qëllim të keq. U mundua të bënte shaka të hollë (të zgjuar). Dëgjoi një shaka të rëndë (të trashë, të keqe). Bëri shaka pa kripë (pa vend). Ia ktheu me shaka. Qeshën me shakatë e tij. Fliste me shaka. Thoshte shpesh shaka. Ia tha për shaka.
2. Lojë, diçka që bëhet a thuhet për shaka, me sens humori; kuptim i gjërave në mënyrë sipërfaqësore, pa u thelluar në domethënien e plotë të tyre, qëndrim jo aq i matur e i përmbajtur. E merrte për shaka. Shaka s’i thonë! Në fillim e mori si shaka. Po të ngjan si shaka?!
✱Sin.: hokë, mahi, ojnë, hajgar, qesëndi, rrekë, shpoti, tallje, gazele, rrurëz, rrekë, rrome, të qeshur, qeshje, e qeshur, lojë, humor, gaz, qatër, qyfyr, gallatë, romuz, gaxhi, adër, jarani.

SHAKATIM

SHAKATÍM,~I m. zakon nj. Të bërët shaka, qatër, romuz. E kishte në karakter shakatimin. Zotëronte artin e shakatimit ajo vajzë. Shakatim me zarar.
✱Sin.: hokë, mahi, ojnë, hajgar, qesëndi, rrekë, shpoti, tallje, gazele, qeshje, e qeshur, lojë, humor, gaz, qatër, qyfyr, gallatë, romuz, gaxhi, jarani.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë