Fjalori

Rezultate në përkufizime për “jamulli”

Mëso si ta përdorësh
<<< Kthehu te kërkimi kryesor në fjalor

BATANIJE

BATANÍJ/E,~A f. sh. ~E, ~ET Mbulesë e hollë prej leshi a prej pambuku, e ngjeshur dhe me push, zakonisht me ngjyra e me zbukurime, që përdoret për t'u mbuluar; kuvertë, jamulli. Batanije leshi (pambuku). Shtroj (hedh) batanijen. Mbulohem (fle) me batanije. Mbështjell me batanije. I hodhi përsipër batanijen.
✱Sin.: kuvertë, jamulli, plaf, balcë.

BELCË

BÉLC/Ë,~A f. sh. ~A, ~AT Qilim i trashë me thekë të gjata që shtrohet zakonisht pranë vatrës; plaf, çull. Belcë e bardhë. Thekët e belcës. Shtroj belcën. Mbuloj me belcë.
✱Sin.: plaf, çull, përkavë, kuvertë, jamulli.

JAMBOLLË

JAMBÓLL/Ë,~A f. sh. ~A, ~AT krahin. Jamulli.

JAMULLI

JAMULLÍ,~A f. sh. ~, ~TË krahin. Mbulesë e leshtë e punuar në vegjë, flokëse; batanije me push e me thekë. Jamulli e butë (e gjerë). Mbulohem me jamulli.
✱Sin.: jambolle, flokëse, havli me rrupca, pajacë, përkavë, velenxë.

VELENXË

VELÉNX/Ë,~A f. sh. ~A, ~AT Mbulesë e gjerë prej leshi, e endur jo shumë dendur e zakonisht pa thekë; çull. Velenxë e leshtë (e dhirtë). Velenxë e trashë (e hollë). Shtroj velenxën.
✱Sin.: përkavë, fillak, fillore, flokje, flokëse, flokatë, pafillë, plaf, shkorsë, batanije, kuvertë, mbulesë, cergë, belcë, jamulli, poste, dërstilë.
♦ Iu bë velenxë (dikujt) keq. shih iu bë jorgan (dikujt). I hoqi velenxën (dikujt). 1. E la dikë pa mbrojtje e pa përkrahje; e zbuloi para një kërcënimi a para një rreziku; e la zbuluar (dikë). 2. Ia zbuloi të metat e gabimet; ia hoqi petën lakrorit (byrekut) (dikush); ia nxori lakrat në shesh; ia hoqi vellon nuses (dikush).

ÇEBE

ÇÉB/E,~JA f. sh. ~E, ~ET krahin. Jamulli, batanije. U mbështolla disi me të dy çebet. Ty s’të takon çebja. Të burgosurve u jepnin nga dy çebe të vjetra.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë