Fjalori

Rezultate në përkufizime për “itinerar”

Mëso si ta përdorësh
<<< Kthehu te kërkimi kryesor në fjalor

KURS

KÚRS,~I m. sh. ~E, ~ET 1. Programi mësimor në shkollë; tërësia e mësimeve që jepen aty për të bërë një kualifikim a specializim të mëtejshëm; koha a periudha sa zgjat ndjekja e këtij programi. Kurs tremujor (njëvjeçar). Kursi i fizikës së përgjithshme. Kurs për specializim. U regjistrova në një kurs. Kreva (mbarova) kursin.
2. Lëndë e veçantë mësimore në shkollë të lartë sipas një programi të veçantë; viti mësimor. Kursi i parë (i dytë). Ndjek kursin.
3. përmb. Tërësia e nxënësve a e studentëve që ndjekin një program të tillë mësimor. Ishte i pranishëm tërë kursi i specializimit (i gjeologjisë).
4. fin. Çmimi në treg i aksioneve, i letrave me vlerë ose i këmbimit të parasë. Kursi i euros (i dollarit, i lekut).
5. tek. Itinerari a drejtimi i lëvizjes së një automjeti, të një mjeti lundrues ose fluturues etj. Kursi i anijes (i avionit).
6. fig. Vija politike dhe programi i punës që ndjek një qeveri, një parti në pushtet etj. Kurs i drejtë (i qëndrueshëm). Ndjek (zbaton) kursin e partisë.
✱Sin.: itinerar, program.

NAVIGATOR

NAVIGATÓR,~I m. sh. ~Ë, ~ËT 1. Njeri që bën lundrime të gjata në det, shpesh edhe për pasion; lundrimtar. Navigator vetmitar.
2. Anëtar i ekuipazhit të një anijeje ose të një avioni, përgjegjës për drejtimin. Kanë vite që përgatitin breza të rinj navigatorësh. Tërë ekuipazhi përbëhej nga tre pilotë, një navigator, një mekanik dhe tre stjuardesa.
3. tek. Pajisje që lejon përcaktimin automatik të pikës ku gjendet një anije, një aeroplan, një tank etj. dhe jep udhëzime për të ndjekur një itinerar të caktuar. Shoferi po ecte sipas navigatorit. Navigator për makina. Dërgoj destinacione me navigator të automjetit. Zhvilloi teste për zgjedhjen e navigatorëve dhe vëzhguesve të radarëve. Navigatori drejtohej nga sateliti.
4. inf. Softuer për shfaqjen e faqeve të internetit në format HTML, i cili lejon aktivizimin e lidhjeve të hipertekstit për të shkuar nga faqja në faqe.

NJËSHINËSH

NJËSHÍNËSH,~E mb., hek. Që përbëhet prej një shine të vetme (sistem hekurudhor). Itinerar njëshinësh.

RRUGËKALIM

RRUGËKALÍM,~I m. sh. ~E, ~ET Rrugë e lirë për të shkuar diku; rruga që përshkohet nga trupa ushtarake, nga ekskursionistë etj., itinerar. Gjetën një rrugëkalim të shpejtë. Caktoi rrugëkalimin.

RRUGËTIM

RRUGËTÍM,~I m. sh. ~E, ~ET 1. Veprimi kur udhëtoj, udhëtim. U lodh nga rrugëtimi i gjatë. Nisën rrugëtimin më të bukur të tyre.
2. Udha që përshkohet a që duhet të përshkohet, itinerar. Ranë dakord për rrugëtimin që do të ndiqnin.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë