Fjalori

Rezultate në përkufizime për “irnohem”

Mëso si ta përdorësh
<<< Kthehu te kërkimi kryesor në fjalor

BUÇOHEM

►BUÇ/ÓHEM jovep., ~ÓVA (u), ~ÚAR 1. vetv. Ënjtem në fytyrë a rreth syve nga ndonjë goditje; irnohem, murrëtehem.
2. pës. e BUÇÓJ.

IREM

►ÍR/EM jovep., ~A (u), ~UR vetv. 1. Irnohem, irnosem. Janë irur çarçafët (këllëfët e jastëkëve). Është irur jaka.
2. fig. Dëshpërohem; hidhërohem; brengosem; më prishet qejfi. Iu ir shpirti.

IRNIM

IRNÍM,~I m. Veprimi kur irnoj ose kur irnohem.
✱Sin.: irnosje, murrëtim.

IRNOS

IRN/ÓS vep., ~A, ~UR kal. 1. Irnoj. E ka irnosur këmishën.
2. E bëj të murrëtehet a të mavijoset. E kishte irnosur nata e shkurtit.
3. fig. E inatos a e zemëroj sa që nxihet në fytyrë. Fjalët e tij ia irnosën surratin.
✱Sin.: murrëtej, murrëtoj, irnohem, iret, mavijoset, murrëtehet.

IRNOSEM

►IRN/ÓSEM jovep., ~ÓVA (u), ~ÚAR 1. vetv. Irnohem.
2. Murrëtehem a mavijosem nga të ftohtët.
3. fig. Nxihem nga inati; më ikën boja nga frika.
4. pës. e IRNÓS.
✱Sin.: nxihem, murrëtehem, murrëtohem, verenikem, vrenjtem.

MURRËTEHEM

►MURRËT/ÉHEM jovep., ~ÉVA (u), ~ÝER 1. vetv., vet. v. III Merr një ngjyrë të errët si të murrme, bëhet i murrët. U murrëtyen muret (ujërat).
2. vetv. Irnohem. Iu murrëtye mishi (lëkura). U murrëtye i tëri.
3. vetv., vet. v. III Vrenjtet (koha, qielli etj.). U murrëtye moti.
4. vetv., vet. v. III Ngryset, bëhet natë.
5. fig., vetv. Vrenjtem, bëhem i zymtë, ngrysem. U murrëtye nga inati. U murrëtye në fytyrë.
6. pës. e MURRËTÉJ.

MYNXYROSEM

►MYNXYRÓS/EM jovep., ~A (u), ~UR bised., vetv. 1. Pësoj një fatkeqësi të madhe, më bie një mynxyrë; më nxihet jeta.
2. Nxihem në fytyrë, irnohem (nga inati, nga zemërimi etj.). I qe mynxyrosur fytyra. Qe mynxyrosur i tëri.
3. Nxihet a sterroset me diçka ndjellakeqe (trupi, fasada etj.).

NDYLLCOHEM

►NDYLLC/ÓHEM jovep., ~ÓVA (u), ~ÚAR 1. vetv. Bëhem pis nga moslarja; irnohem, zgjyrosem; rri gjatë pa u larë. U ndyllcuam pa ujë e pa drita.
2. pës. e NDYLLCÓJ.

NXIHEM

►NXÍ/HEM jovep., ~VA (u), ~RË 1. vetv. Bëhem me të zezë; lyhem a ndotem me diçka të zezë ose të errët e të papastër; kund. zbardhem. Nxihem me bojë. Je nxirë në ballë. U nxi pas murit. U nxi nga qymyri.
2. vetv., vet. v. III Bëhet i zi; merr një ngjyrë të murrme, të errët, si të zezë. I nxihen pendët (qimet). Nxihet qielli (deti). Nxihet rrushi. Nxihen fiqtë. Më nxihet buza (mishi) më mavijoset buza (mishi). U nxi koha u vrenjt, e mbuluan qiellin re të zeza. Zogjtë e korbit nxihen nga dita në ditë.
3. vetv. Marr një ngjyrë si të bronzit nga dielli, zeshkem. Nxihem në diell (nga dielli). Iu nxi lëkura. Iu nxinë krahët (këmbët).
4. fig., keq., vetv. Mbushet një vend plot e përplot me diçka jo të dëshirueshme. U nxi mali me ushtarë. Nxihej fusha me jeniçerë. U nxinë rrugët me fashistë. U nxinë ledhet me kufoma. U nxi vendi me karkaleca.
5. fig., vetv. Bëhem i zymtë e i ngrysur në fytyrë, vrenjtem. Me të dëgjuar kritikat, u nxi i tëri. Nxihet nga inati.
6. vetv. Më erret vështrimi e më duket gjithçka e zezë. M’u nxinë sytë m’u veshën sytë, m’u err vështrimi, nuk pashë më tutje. Nënës iu nxi bota kur mori lajmin e zi.
7. vetv., vet. v. III. Errësohet, ngryset. U bë vonë, ka filluar të nxihet.
8. pës. e NXÍJ1-3.
✱Sin.: nxirohem, nxirosem, sterrohem, zgjyrosem, serohem, mavijoset, vrugohet, zeshkem, zeshkohem, zezohem, mbushet, ngrysem, vrenjtem, zymtohem, irnohem, irnosem, nxij, zemërohem, vrugohem, verenikem, murrëtehem, errësohet, ngryset, muget.
♦ S’i nxihet *balli (dikujt). U nxi me *bojë (dikush). M’u nxi *dera. M’u nxi *faqja. S’i nxihet *faqja (dikujt). S’i nxihet *fytyra (dikujt). Iu nxi *hunda (dikujt). M’u nxi *jeta. S’i nxihet *lara (dikujt) vulg. M’u nxinë *sytë. M’u nxinë *vetullat. M’u nxi (m’u nxiros) *zemra (shpirti).

VERENIKEM

►VERENÍK/EM jovep., ~A (u), ~UR vetv. Nxihem, marr një ngjyrë të zezë në trup a në fytyrë nga të ftohtët a nga një goditje, irnohem, murrëtehem. U verenik fëmija. Iu verenik plaga.
✱Sin.: mavijosem, kaltërohem, nxihem, irem, jeshilohem.

VREDITEM

►VREDÍT/EM jovep., ~A (u), ~UR vetv. Nxihem, bëhem vred; verdhanekem, irnohem. Nuk e di pse iu vredit rrethi i syve. Iu vredit fytyra nga të ftohtët.
2. pës. e VREDÍT.
✱Sin.: irem, irnosem, irnohem, jeshilohem, kaltërohem, nxihem, mavijosem, verenikem, murrëtehem, murrëtohem.

ZESHKEM

►ZÉSHK/EM jovep., ~A (u), ~UR 1. vetv. Bëhem i zeshkët; nxihem, murrëtehem. U zeshk mirë. U zeshka në diell. U zeshkën fiqtë. Sa vjen e zeshket.
2. pës. e ZESHK.
✱Sin.: murrëtehem, nxihem, zeshkohem, irnohem.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë