Fjalori

Rezultate në përkufizime për “intuitë”

Mëso si ta përdorësh
<<< Kthehu te kërkimi kryesor në fjalor

INTUITIV

INTUITÍV,~E mb., libr. Që ka intuitë a nuhatje të mprehtë. Mendje intuitive.
✱Sin.: parashikues, nuhatës.

INTUITIVISHT

INTUITIVÍSHT ndajf. Me intuitë; me nuhatje. Veproj intuitivisht.
✱Sin.: instinktivisht, natyrshëm.

INTUITË

INTUÍT/Ë,~A f. Aftësia e njeriut për ta njohur e për ta kuptuar realitetin drejtpërdrejt e pa ndërmjetësinë e arsyetimit, në bazë të përvojës e të dijeve të grumbulluara që më parë; aftësi për ta kapur diçka menjëherë e drejt, për ta nuhatur shpejt e me mprehtësi në bazë të përvojës së fituar. Intuitë e mprehtë (e hollë, e thellë). Intuitë politike. Intuita e nënës. Intuitë artisti (shkrimtari). Njeri me intuitë. Në bazë të intuitës. Gjej (kuptoj, kap, vlerësoj) me intuitë.
✱Sin.: parandjenjë, perceptim.

NUHATJE

NUHÁTJ/E,~A f. 1. Veprimi kur nuhat ose kur nuhatem. Nuhatja e erës nga qeni. Nuhatja e gjurmëve. Nuhatja e rrezikut.
2. Aftësia e njeriut a e kafshës për të nuhatur, të nuhaturit. Qeni ka nuhatje të mirë. Organi i nuhatjes. Nervi i nuhatjes. Nuhatja është e dobët kur je me grip.
3. fig. Aftësia për të kuptuar diçka nga disa shenja të jashtme a nga rrethana që mezi kapen, mprehtësi. Nuhatje e hollë. Nuhatje politike. Ka nuhatje të mprehtë.
✱Sin.: të nuhatur, ndjenjë, parandjenjë, instinkt, shqisë, intuitë, mprehtësi.
♦ Ka nuhatje të hollë (dikush) i parandien a i parashikon shpejt e mirë gjërat, i kap menjëherë; e ka hundën të hollë.

PARANDJENJË

PARANDJÉNJ/Ë,~A f. sh. ~A, ~AT Ndjenjë e turbullt që ka njeriu që më parë se do të ndodhë a do të vijë diçka. Parandjenjë e mirë (e hidhur). Parandjenjë e papërcaktuar. Kishte një parandjenjë të keqe.
✱Sin.: intuitë, vëng nuhatje, parashikim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë