Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
ARKEOMETRÍ,~A f. Fushë ndërdisiplinore e arkeologjisë, që përdor metoda shkencore për të analizuar, për të interpretuar dhe për të vlerësuar gjetjet arkeologjike si dhe vjetërsinë e tyre përmes teknikash të ndryshme, analizave laboratorike kimike e fizike deri te metodat e datimit dhe të teknologjisë gjeofizike. Metodat bashkëkohore të arkeometrisë. Arkeometria e lëndëve joorganike. Specialist i arkeometrisë.
EKZEKUTÚAR (i, e) mb. Që është zbatuar apo realizuar, që është ekzekutuar. Vendim i ekzekutuar, drejtësi e zbatuar. Këngë e ekzekutuar. Gjëma të ekzekutuara nga gjëmëtarë të ndryshëm. E ekzekutuar me shumë zotësi.
✱Sin.: i zbatuar, i realizuar, i luajtur, i interpretuar, i kryer, i performuar, i vrarë.
GOPÁK,~U m. Valle energjike ukrainase, e interpretuar tradicionalisht nga burrat.
ORKESTRÚES,~I m. sh. ~, ~IT 1. muz. Ai që përpunon dhe përshtat një pjesë muzikore për t’u interpretuar nga një orkestër, duke ndarë rolet për secilin instrument; përpunues muzikor. Orkestuesi i këngës. Është drejtues kori dhe orkestrues i këngëve lirike qytetare. Orkestrues muzikor. Është një ndër kompozitorët dhe orkestruesit më të shquar.
2. fig. Ai që planifikon, koordinon ose drejton një veprimtari komplekse, shpesh në mënyrë të organizuar dhe të qëllimshme. Është orkestrues i gjithë historisë. Orkestruesi kryesor i operacioneve luftarake. Orkestrues i sulmeve mediatike.
3. si mb. Sipas kuptimeve emrit. Teknika orkestruese të caktuara në muzikë. Rol orkestrues. Sipas shkallëve dhe ritmeve orkestruese.
ORKESTRÚES/E,~JA f. sh. ~E, ~ET 1. muz. Ajo që përpunon dhe përshtat një pjesë muzikore për t’u interpretuar nga një orkestër, duke ndarë rolet për secilin instrument; përpunuese muzikore. Është dirigjente, orkestruese, kompozitore dhe eksperte e muzikës.
2. fig. Ajo që planifikon, koordinon ose drejton një veprimtari komplekse, shpesh në mënyrë të organizuar dhe të qëllimshme. Orkestruese e gjithë fushatës. Ishin orkestrueset e këtij lumi akuzash dhe shpifjesh.
PAINTERPRETÚAR (i, e) mb. 1. Që nuk është interpretuar; që nuk është shpjeguar ose nuk është sqaruar si duhet; kund. i interpretuar. Nen (ligj, paragraf) i painterpretuar. Letërsi e painterpretuar.
2. Që nuk është luajtur a nuk është kënduar në një shfaqje etj.; kund. i interpretuar. Pjesë teatrore e shkruar, por e painterpretuar. Këngë e painterpretuar.
ROL,~I m. sh. ~E, ~ET 1. teatër. Detyra që ka një aktor në një pjesë teatrale, në një film etj. sipas aftësive për të interpretuar një pjesë të caktuar. Rol kryesor (episodik). Ndaj rolet. Mësoj (studioj) rolin.
2. Figura (personazhi) që mishëron dhe paraqet aktori në skenë, në film etj. Në rolin e Hamletit. Luan (interpreton) rolin e mjekut.
3. Vendi që zë diçka ose dikush në një veprimtari, në një punë, në një organizëm etj., funksion, punë; puna ose detyra që bën ose që merr përsipër dikush përkohësisht në vend të një tjetri. Roli i zemrës (i trurit). Roli i foljes në fjali. Në rolin e drejtorit (e përgjegjësit). Ka rol ndihmës. Luan rolin e përçuesit (e ftohësit).
4. Ndikimi dhe rëndësia e dikujt në një fushë të jetës shoqërore; shkalla e pjesëmarrjes dhe e ndikimit të dikujt a të diçkaje në një veprimtari; veprim. Rol pozitiv (aktiv). Rol politik (ekonomik, shoqëror). Roli vendimtar i mediave. Roli historik i Kongresit të Manastirit. Familja luan një rol të rëndësishëm në zhvillimin e fëmijës. Njeri që ka pasur një rol të dorës së parë në jetën politike. Roli i burrit (i gruas, i prindit). Roli i artit (i shkencës). Luan rol ka rëndësi, ushtron ndikim të ndjeshëm. Nuk ka (nuk luan) ndonjë rol nuk ka rëndësi, nuk ushtron ndonjë ndikim.
✱Sin.: funksion, rëndësi.
♦Futem (hyj) në rol 1. E përvetësoj mirë një detyrë të re; mësohem me një gjendje të re. 2. Arrij të bëj si dikush; luaj rolin (e dikujt). Luaj rolin (e dikujt) shtirem si dikush tjetër; sillem ndryshe nga ç’jam në të vërtetë për të arritur qëllime të caktuara; futem (hyj) në rol.
SHKODÚAR (i, e) mb. Që është shkoduar, që është zbërthyer; i deshifruar; kund. i koduar. Mesazh i shkoduar. Lajm i shkoduar.
✱Sin.: i deshifruar, i transkriptuar, i zbërthyer, i interpretuar.
SOCIOPOLITÍK,~E mb. Që ka të bëjë me përdorimin e analizave sociologjike për të kuptuar dhe interpretuar dinamikat politike dhe ndikimet e politikës në shoqëri. Në një studim sociopolitik u analizua se si ndryshimet në strukturën familjare kanë ndikuar në politikat publike të mbështetjes së familjeve me një prind.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë