Fjalori

Rezultate në përkufizime për “intermexo”

Mëso si ta përdorësh
<<< Kthehu te kërkimi kryesor në fjalor

ANTRAKT

ANTRÁKT,~I m. sh. ~E, ~ET teatr. 1. Pushim i shkurtër ndërmjet dy akteve ose ndërmjet dy pjesëve të një shfaqjeje; pjesë muzikore që ekzekutohet gjatë pushimit midis dy akteve dhe shërben si uverturë; intermexo. Antrakti i shfaqjes.
2. fig. Pushim, ndalesë, ndalim i përkohshëm gjatë punës.

INTERMEXO

INTERMÉXO,~JA f. sh. ~, ~T 1. muz. Pjesë e vogël muzikore, që luhet me vegla zakonisht ndërmjet akteve a skenave të një opere; skeç muzikor me formë të thjeshtë. Intermexo për piano.
2. art. Shfaqje e shkurtër a numër i vogël humoristik që luhet ndërmjet akteve të një pjese teatrale.

NDËRMJETËZ

NDËRMJÉTËZ,~A f. sh. ~A, ~AT ndërt. 1. Mur i hollë me një radhë tullash, që bëhet zakonisht për të ndarë dhomat brenda një ndërtese, mur ndarës, mur i ndërmjetëm; bylme. Ndërmjetëz dhome. I ndarë me ndërmjetëz. Bënë ndërmjetëzat.
2. Vijë, kanal, mur ose gardh ndarjeje midis dy arave a dy shtëpive. Ndërmjetëza ishte veçse një gardh thuprash.
3. Kohë ndërmjet dy ngjarjeve ose dy veprimeve; ndërmjetkohë, ndërkohë, interval, intermexo. E takoi në ndërmjetëzën e shfaqjes teatrale.
4. Tokë që gjendet ndërmjet pemëve frutore. Punoj ndërmjetëzat e ullinjve.
5. anat. Vendi ndërmjet gishtave të duarve e këmbëve; vendi ndërmjet dy thundrave të kafshëve dythundrake. Ndërmjetësat e gishtave të këmbëve i ishin infektuar. Lopës i ishte ngulur një gozhdë në ndërmjetëz.
✱Sin.: bylme, kallkan, mjet, çatma, shtrak, mesore, zdatk, perde, stelë, ndërmjetkohë, ndërkohë, interval, intermexo.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë