Fjalori

Rezultate në përkufizime për “integroj”

Mëso si ta përdorësh
<<< Kthehu te kërkimi kryesor në fjalor

ASIMILOJ

ASIMIL/ÓJ vep., ~ÓVA, ~ÚAR libr., kal. 1. Përshtat ose tjetërsoj zakonet, gjuhën, kulturën, vlerat e dikujt, duke ia humbur ato të mëparshmet; e shkrij një popull ose një komb, duke e bërë të humbasë veçoritë e tij kombëtare dhe të përvetësojë gjuhën, zakonet etj. të një populli ose të një kombi tjetër; tjetërsoj. Asimiloj dhunshëm. Asimiloi me shpejtësi gjuhën dhe zakonet e vendit të ri.
2. fig. Përvetësoj, marr, thith (dije, njohuri, përvojë, zakone, shprehi etj.). Asimiloj mësimin. Asimiloj një lëndë.
3. biol. Përvetësoj një lëndë të jashtme, duke e përpunuar në organizëm; tret, thith. Asimiloj ushqimin. Asimilon oksigjenin.
4. kim. Thith ose integron përbërës të tjerë në një sistem kimik.
5. vet. v. III, gjuh. E bën të njëjtë ose të ngjashëm me veten (për veprimin e një tingulli mbi një tjetër), përngjashmoj.
✱Sin.: përvetësoj, përvetoj, marr, thith, përthith, nxë, mësoj, shkrij, tret, tjetërsoj, integroj, përngjashmoj.

DEZINTEGROJ

DEZINTEGR/ÓJ (DISINTEGR/ÓJ) vep., ~ÓVA, ~ÚAR libr., kal. Çintegroj; shpërbëj; kund. integroj.

INKORPOROJ

INKORPOR/ÓJ vep., ~ÓVA, ~ÚAR kal. Përfshij a fus një pjesë në një të tërë. Inkorporoj një dokument.
✱Sin.: përfshij, fut, vendos, integroj.

INTEGRIM

INTEGRÍM,~I m. sh. ~E, ~ET libr. 1. Veprimi kur integroj ose kur integrohem.
2. Rrjedhimi kur integroj ose kur integrohem Integrim paqësor. Integrim ekonomik (politik, ushtarak). Rruga e integrimit. Integrimi në Bashkimin Evropian.
✱Sin.: bashkim, përfshirje.

INTEGROJ

INTEGR/ÓJ vep., ~ÓVA, ~ÚAR libr., kal. 1. Lidh pjesët ose anët e diçkaje në një të tërë, përfshij diçka në një të tërë si pjesë përbërëse e të pandarë të saj; bashkoj a shkrij në një njësi të vetme; kund. çintegroj.
2. E bashkoj, e përfshij, e fut, e bëj dikë pjesë të një grupi shoqëror, të një organizate, etj. Integroj në shoqëri. E integruan në organizatë.
✱Sin.: bashkoj, përfshij.

MIKROÇIPOJ

MIKROÇÍ́P/ÓJ vep., ~ÓVA, ~ÚAR kal. Vendos një mikroçip diku, integroj një mikroçip.

MOSINTEGRIM

MOSINTEGRÍM,~I m. Mungesë integrimi; veprimi dhe gjendja kur nuk e integroj dikë a diçka ose kur integrohem; kund. integrim. Mosintegrimi me Europën.

ÇINTEGROJ

ÇINTEGR/ÓJ vep., ~ÓVA, ~ÚAR kal., libr. Zbërthej diçka në pjesët përbërëse, shkatërroj duke e copëtuar në pjesë; shkëput një pjesë nga një tërësi; kund. integroj. Përpiqen ta çintegrojnë sistemin. Po e çintegron punën e komisionit. Kjo strategji e çintegron vendin në nivel lokal.
✱Sin.: zbërthej, shkatërroj, shkëput.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë