Fjalori

Rezultate në përkufizime për “instinkt”

Mëso si ta përdorësh
<<< Kthehu te kërkimi kryesor në fjalor

AUTOHEMORRAGJI

AUTOHEMORRAGJÍ,~A f., biol. Instinkt mbrojtës i disa insekteve për të penguar sulmuesit e për të mbrojtur jetën; proces i qëllimshëm i gjakrrjedhjes ose i lëngjeve trupore helmuese me qëllim mbrojtjeje, pa dëmtim të jashtëm. Autohemorragjia si instinkt. Autohemorragjia cerebrale. Autohemorragjia e mushkërive. Autohemorragji e brendshme. Simptoma të autohemorragjisë.

INSTINKT

INSTÍNKT,~I m. sh. ~E, ~ET 1. biol. Aftësi e lindur dhe e trashëguar te çdo lloj i qenieve të gjalla, që e bën organizmin të veprojë në mënyrë të pavetëdijshme për t‘iu përshtatur mjedisit e për t‘iu përgjigjur ndryshimeve të tij; shtysë e vetvetishme që nxit kafshët e njerëzit të kryejnë lëvizje e veprime të pavetëdijshme; shfaqja e një aftësie a shtyse të tillë. Instinkti i të ushqyerit (i vetëmbrojtjes, i riprodhimit, i kujdesit për të vegjlit). Instinkti i nënës (i fëmijës). Instinktet e bletëve (e peshqve, e zogjve, e dhenve, e dhive, e qenve). Shkon pas instinktit. Vepron me instinkt.
2. Prirje a dëshirë e vetvetishme dhe e fortë, që e bën njeriun të mbajë një qëndrim të caktuar, të sillet e të veprojë në një mënyrë të caktuar. Instinkt i lartë (i ulët, shtazarak, i egër).
3. fig., libr. Nuhatje. Instinkti i gjahtarit (i mjekut, i artistit, i rojtarit). E kuptoi (e gjeti) me instinkt. S’e gaboi instinkti.
✱Sin.: prirje, shtysë, nuhatje.

INSTINKTIV

INSTINKTÍV,~E mb., libr. I mbështetur në instinkt. Ndjenjë instinktive.

INSTINKTIVISHT

INSTINKTIVÍSHT ndajf. Me instinkt. Veproi instinktivisht. I foli instinktivisht.

KLLOÇITJE

KLLOÇÍTJ/E,~A f. sh. ~E, ~ET 1. Instinkt biologjik i klloçkës kur ngroh vezët dhe rrit zogjtë.
2. Zëri i mbytur i pulës kur është klloçkë. Dëgjohen klloçitje.
3. fig., mospërf., bised., iron. Ankesë e përsëritur dhe e vazhdueshme. Dëgjohen klloçitje grash.
✱Sin.: kuaçitje, squkje.

NUHATJE

NUHÁTJ/E,~A f. 1. Veprimi kur nuhat ose kur nuhatem. Nuhatja e erës nga qeni. Nuhatja e gjurmëve. Nuhatja e rrezikut.
2. Aftësia e njeriut a e kafshës për të nuhatur, të nuhaturit. Qeni ka nuhatje të mirë. Organi i nuhatjes. Nervi i nuhatjes. Nuhatja është e dobët kur je me grip.
3. fig. Aftësia për të kuptuar diçka nga disa shenja të jashtme a nga rrethana që mezi kapen, mprehtësi. Nuhatje e hollë. Nuhatje politike. Ka nuhatje të mprehtë.
✱Sin.: të nuhatur, ndjenjë, parandjenjë, instinkt, shqisë, intuitë, mprehtësi.
♦ Ka nuhatje të hollë (dikush) i parandien a i parashikon shpejt e mirë gjërat, i kap menjëherë; e ka hundën të hollë.

PINSHER

PINSHÉR,~I m. sh. ~Ë, ~ËT Qen i një race gjermane, që është shumë i shkathët, shumë vigjilent e me një instinkt natyror mbrojtës.

PRINDOR

PRINDÓR,~E mb. Prindëror. Kujdesi prindor. Instinkt i fuqishëm prindor te kafshët.

SUBLIMUAR

SUBLIMÚAR (i, e) mb. 1. kim. Që është sublimuar. Lëndë e sublimuar.
2. psikol. Që ka marrë drejtim të ri për t'u përshtatur në mjedisin shoqëror. Instinkt i sublimuar.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë