Fjalori

Rezultate në përkufizime për “inorganik”

Mëso si ta përdorësh
<<< Kthehu te kërkimi kryesor në fjalor

ACID

ACÍD,~I m. sh. ~E, ~ET kim. Komponim kimik, me shije të thartë e me veti gërryese, që në tretësira ujore jep jone hidrogjeni dhe që formon kripëra kur vepron me baza e me disa metale. Acid sulfurik (borik, acetik). Acid klorhidrik. Acid citrik. Acid organik (inorganik). Acid yndyror (organik). Acid i fortë (i holluar). Acid akumulatorësh.

HIDROKSID

HIDROKSÍD,~I m. sh. ~E, ~ET Substancë që formohet nga bashkëveprimi kimik i oksidit të një metali me ujin; çdo komponim kimik inorganik që përmban anionin (-OH). Hidroksidi i aluminit (i kaliumit, i natriumit, i magnezit, i kalciumit, i hekurit, i zinkut). Hidroksidet e metaleve.

KOMPONIM

KOMPONÍM,~I m. sh. ~E, ~ET kim. Çdo substancë e pastër që formohet nga bashkimi i ngushtë me anë lidhjesh kimike i dy a më shumë elementeve në një raport të pandryshueshëm, bashkim pas të cilit secili element kimik përbërës i humbet vetitë tij karakteristike. Komponim organik (që përmban karbon). Komponim inorganik. Komponimet kimike janë dhjetëra miliona.

ORGANIK

ORGANÍK,~EI mb. 1. Që ka të bëjë me organizmat e gjallë, i organizmave të gjallë; që karakterizon qeniet e gjalla, i gjallë; që bëhet a që formohet prej qenieve të gjalla; kund. inorganik. Qenie organike. Lëndë (materie) organike. Bota (natyra) organike. Limfë organike. Acidet organike.
2. Që është formuar nga mbeturinat dhe nga kalbëzimi i bimëve a i kafshëve; që ka të bëjë me bashkimet e karbonit; që është formuar nga jashtëqitjet e kafshëve. Plehu organik. Lëndët organike.

SHPEJTUES

SHPEJTÚES,~I m. sh. ~, ~IT kim. Lëndë e posaçme që përdoret për të shtuar shpejtësinë e zhvillimit të një procesi. Shpejtues organik (inorganik). Shpejtues i shkrirjes (i vullkanizimit).

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë