Fjalori

Rezultate në përkufizime për “informim”

Mëso si ta përdorësh
<<< Kthehu te kërkimi kryesor në fjalor

ANTIKORRUPSION

ANTIKORRUPSIÓN mb. 1. Që parandalon ose lufton korrupsionin. Aksion antikorrupsion. Program antikorrupsion.
2. Që ka të bëjë me antikorrupsionin; që i përket antikorrupsionit, i antikorrupsionit. Informim antikorrupsion.

DEZINFORMIM

DEZINFORMÍM,~I m. sh. ~E, ~ET [DISINFORMÍM,~I m. sh. ~E, ~ET] libr. Veprimi kur dezinformoj; përhapje e informacioneve të rreme ose të manipuluara në mënyrë të qëllimshme për të ndikuar ose për të shkaktuar ngatërresë te publiku; kund. informim. Dezinformim i plotë. Dezinformim i qëllimshëm.

INFORMIM

INFORMÍM,~I m. sh. ~E, ~ET 1. Veprimi kur informoj ose kur informohem. Informim i gjithanshëm. Informimi i masave.
2. Informatë.
✱Sin.: njoftim, lajmërim, sinjalizim.

KEQINFORMIM

KEQINFORMÍM,~I m. sh. ~E, ~ET libr. 1. Informim i keq, mënyrë e pasaktë ose e rreme informimi, e cila bëhet me qëllim të keq; deklaratë keqinformuese. Ka pasur edhe keqinformime.

KONFERENCË

KONFERÉNC/Ë,~A f. sh. ~A, ~AT 1. Mbledhje e gjerë ku marrin pjesë përfaqësues a specialistë të një fushe të veprimtarisë shoqërore, shkencore, politike etj., të cilët diskutojnë për çështje të rëndësishme që kërkojnë zgjidhje. Konferencë shkencore (albanologjike, përkujtimore, pedagogjike). Pjesëmarrës (organizatorë) të konferencës. U mbajtën disa kumtesa në konferencë.
2. zyrt. Organi më i lartë i një organizate, i një partie, i një shoqate etj. Konferenca e partisë (e veteranëve të Luftës). Konferenca e Pezës. Delegat i konferencës. Raporti (rendi i ditës) i konferencës. Rezoluta (vendimet) e konferencës.
3. bised. Fjalim; kumtim. Mbajti një konferencë. Konferencë shtypi takim me gazetarë për informim të publikut.
4. mospërf.,iron. Fjalim i tejzgjatur që të mërzit. E bëri konferencë bisedën.
✱Sin.: fjalim, njoftim, informim, kumtim.

LETËRQARKORE

LETËRQARKÓR/E,~JA f. sh. ~E, ~ET Shkresë e një organi qendror që u dërgohet njëkohësisht gjithë organeve më të ulëta; informim i publikut me anë të një letre. Qarkore për mediet.

MIRINFORMIM

MIRINFORMÍM,~I m., libr. Informim i përpiktë e i plotë për dikë a për diçka, të qenët i mirinformuar. Mirinformimi bën që shqetësimi të largohet shpejt.

MOSINFORMIM

MOSINFORMÍM,~I m. Mungesë informimi; veprimi dhe gjendja kur nuk e informoj dikë ose kur nuk informohem; kund. informim. Gabimi erdhi si pasojë e mosinformimit në kohë.

NJOHJE

NJÓHJ/E,~A f. sh. ~E, ~ET 1. Veprimi kur njoh ose kur njihem me dikë a me diçka; kund. çnjohje, shfuqizim, mohim. Njohje zyrtare. Njohja e jetës. Njohja e ligjeve (e rregulloreve, e urdhëresave). Njohja e barazisë. Njohja e atësisë. Njohja e të drejtave. Njohja e një qeverie. Njohja e teknikës. Njohja me punën e dikujt. Martesë me njohje.
2. Dikush me të cilin njihemi, të dhënat që kemi për të, si edhe marrëdhëniet shoqërore që kemi. Njohje të vjetra.
3. Dije e fituar në një fushë të shkencës a për diçka tjetër. Njohje shkencore (e thellë, e sipërfaqshme). Njohje të vjetra.
4. filoz. Pasqyrimi e riprodhimi i botës në ndërgjegjen e njeriut dhe depërtimi në ligjësitë e kësaj bote. Njohja njerëzore. Teoria e njohjes. Format (shkalla) e njohjes.
✱Sin.: paraqitje, prezantim, zotërim, dallim, përjetim, informim, zbulim, pranim.

ÇINFORMIM

ÇINFORMÍM,~I m. sh. ~E, ~ET libr. Informim jo i saktë që bëhet pa dashje ose me qëllim; keqinformim; kund. informim. Kur shpërndahet lajmi i rremë, kemi çinformim. Çinformim është kur dikush shpërndan një foto nga një ngjarje pa e paverifikuar si duhet.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë