Fjalori

Rezultate në përkufizime për “imtësim”

Mëso si ta përdorësh
<<< Kthehu te kërkimi kryesor në fjalor

DETAJIM

DETAJÍM,~I m. sh. ~E, ~ET Veprimi kur detajoj diçka; përshkrim i hollësishëm i diçkaje. Detajimi i projektit. Detajimi i personazhit kryesor. Detajimi i ngjarjeve.
✱Sin.: përimtim, stërhollim, imtësim.

IMSHTIM

IMSHTÍM,~I m. 1. Veprimi kur imshtoj ose kur imshtohet diçka.
2. Thërrmim; shtypje deri në pluhur. Imshtim i grurit (misrit).
✱Sin.: thërrmim, imtësim, bluarje, shtypje.

IMTËSIM

IMTËSÍM,~I m. sh. ~E, ~ET 1. Veprimi kur imtësoj ose kur imtësohet diçka.
2. Rrjedhimi kur imtësoj ose kur imtësohet diçka. Imtësim i dheut. Imtësim i çështjes.
✱Sin.: bluarje, thërrmim, zbërthim.

PLUHURIZIM

PLUHURIZÍM,~I m., libr. Veprimi kur pluhurizoj ose kur pluhurizohet diçka. Pluhurizim me makina.
✱Sin.: thërrmim, grimcim, imtësim, imtim, bluarje.

THËRRMIM

THËRRMÍM,~I m. sh. ~E, ~ET Ndarje në grimca të vogla, bërje grimca-grimca e diçkaje. Thërrmim i trashë. Thërrmim fizik. Thërrmimi i bukës (i djathit, i biskotave). Thërrmimi i tokës (i plisave, i dheut, i shkëmbinjve).
✱Sin.: grimcim, copëtim, dërrmim, gërzhim, gërzhitje, imtësim.

ZBËRTHIM

ZBËRTHÍM,~I m. sh. ~E, ~ET 1. Veprimi kur zbërthej diçka; ndarja e diçkaje në pjesë përbërëse; shkulja e diçkaje që është mbërthyer në diçka tjetër; kund. mbërthim. Zbërthimi i vozës (i armës). Zbërthim i plotë. Zbërthimi i dërrasave (i arkave) me sqepar. - Mos bëni gabime gjatë zbërthimit!
2. Nxjerrja a heqja e diçkaje nga vendi ku është futur, është mbërthyer a është kapur; shkopsitje. Zbërthimi i këmishës (i jakës, i xhaketës). Zbërthimi i rripit. Zbërthimi i orës.
3. spec. Shpërbërje. Zbërthim i mëtejshëm. Zbërthimi i lëndëve kimike. Zbërthimi i molekulës në pjesët përbërëse. Reaksion zbërthimi (kim.). Zbërthim radioaktiv (kim.). Zbërthimi i dritës në ngjyra të ndryshme duke përdorur prizmin (fiz.).
4. Shqyrtim i një vepre, i një ideje, i një koncepti a i një diçkaje tjetër, duke e vështruar nga të gjitha anët për ta bërë sa më të qartë e të kuptueshme; shpjegim i hollësishëm, shkoqitje, shtjellim. Zbërthim logjik. Zbërthimi i monografisë. Zbërthimi i programit (i projektit). Zbërthim i tekstit. Zbërthimi në faktorë (mat.). I bëri një zbërthim të mirë. Zbërthim i domethënies (i kuptimit). Zbërthimi i botës së brendshme të personazheve (let.). Zbërthimi i shprehjeve algjebrike. Zbërthime të një niveli shkencor. Zbërthimi i projektbuxhetit (fin.).
5. fig. Shtytje a ngucje për ta detyruar dikë të flasë çdo gjë që di për diçka a për dikë. Zbërthimi i dëshmitarit.
6. Heqje nga zgjedha e kafshëve të mbrehura, çmbrehje, zgjidhje.
✱Sin.: shkulje, shkopsitje, shpërthekim, zgafullim, hapje, shqyrtim, analizë, imtësim, përimtim, shtjellim, shkoqitje, shqepje, çmbrehje, zgjidhje, shpërbërje, tjetërsim.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë