Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
LAJK,~U m. sh. ~Ë, ~ËT 1. Prift që e ka lënë priftërimin dhe është kthyer në jetën laike. Për të ndjekur pasionet e tij personale, ai zgjodhi të bëhej lajk dhe të largonte detyrimet fetare.
2. Kujdestar dhe hyzmeqar kishe, që kryen punët dhe nevojat e kishës, por nuk është i shuguruar si meshtar. Si lajk, ai kujdeset për mirëmbajtjen e kishës dhe ndihmon priftin në shërbesat fetare.
RROGËTÁR,~I m. sh. ~Ë, ~ËT 1. Nëpunës me rrogë të caktuar. Ata janë rrogëtarë. Shpërblim për rrogëtarët.
2. Ai që punon me kontratë me rrogë në një familje të pasur, shërbyes; bari me rrogë. Shërbyes me rrogë.
3. bised. edhe mospërf. Ushtar që paguhet me rrogë; mercenar. U formua një ushtri me rrogëtarë.
4. bised. Ai që i shërben dikujt si vegël për të nxjerrë përfitime, shërbëtor. Rrogëtar i regjimit. Rrogëtar i pushtuesve.
✱Sin.: shegert, çirak, shkarth, hyzmeqar.
SHEGÉRT,~I m. sh. ~Ë, ~ËT Çirak, nxënës; shërbëtor. Punon si shegert. U bë shegert i mirë. E la mallin në dorë të shegertëve. Shegerti i madh (shegerti i defterit) ai që zëvendësonte mjeshtrin a tregtarin, kallfë. Hyri (u pajtua) shegert.
✱Sin.: çirak, nxënës, kallfë, shërbëtor, shërbesëtar, shkarth, hyzmeqar.
SHKARTH,~II m. sh. ~A, ~AT vjet. 1. Djalë që pajtohej si shërbëtor në një familje të pasur; shërbëtor. Shkarth shtëpie. Ia ngarkoi shkarthit edhe atë detyrë.
2. Djalë që punonte si ndihmës; shegert, çirak. Shkarth dyqani. U pajtua si shkarth.
✱Sin.: shatër, shërbëtor, shërbyes, shërbesëtar, hyzmeqar, kallfë.
SHËRBÝES,~I m. sh. ~, ~IT 1. Ai që merret me pastrimin dhe me shërbime të tjera ndihmëse në një zyrë, shkollë, ndërmarrje etj. Shërbyesi i fabrikës. Shërbyesi i shkollës.
2. Punëtor për kryerjen e punëve të shtëpisë në një shtëpi private, biznes etj., shërbëtor. Shërbyesi i mjekut. Shërbyesit qëndruan në këmbë gjatë gjithë darkës. Shërbyesi i hotelit. Shërbyes plak.
3. Një person, puna e të cilit lidhet me ndihmën që ai u jep të tjerëve, punonjës. Shërbyes social. Shërbyes civil.
4. fet. Ai që shërben në institucione fetare a lidhet me fenë; ai që i shërben një misioni fetar a një qëllimi fetar. Shërbyes i ungjillit. Shërbyes i kishës.
5. fig. Ai që kryen një shërbim për një çështje të lartë a ideale të larta. Shërbyes i madh i njerëzve. Shërbyes i kombit.
✱Sin.: shërbëtor, pastrues, rrogëtar, punonjës, shkarth, hyzmeqar, çirak.
SHËRBËTÓR,~I m. sh. ~Ë, ~ËT 1. Ai që shërben në një shtëpi a në një dyqan kundrejt një pagese. Punësoi një shërbëtor. E pushoi shërbëtorin. Punon si shërbëtor. Shërbëtor përtac.
2. Ai që merret me pastrimin, me ruajtjen dhe me shërbime të tjera në një institucion shtetëror ose privat. Shërbëtori i kishës. Shërbëtori i bashkisë. Shërbëtori i shkollës.
3. fig. Ai që i shërben me ndërgjegje e me besnikëri një kauze. Shërbëtor i popullit. Shërbëtor i njerëzve.
4. përb. Ai që është vënë me përulje dhe me besnikëri në shërbim të dikujt. Shërbëtor i përulur i diktatorit. Shërbëtor i politikës. Shërbëtor i regjimit.
5. keq. Ai që ka humbur lirinë dhe konsiderohet si pronë e dikujt. Sillet me ty si shërbëtor. Të trajton si shërbëtor.
✱Sin.: rrogëtar, shërbyes, shkarth, hyzmeqar, kopil, qole, shulk, kecan, raja, çirak, këlysh, mashë, puthador, lake, qehaja, çibuk, kobure, vegël, marionetë, servil.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë