Fjalori

Rezultate në përkufizime për “hyjnizoj”

Mëso si ta përdorësh
<<< Kthehu te kërkimi kryesor në fjalor

FETISHIZOJ

FETISHIZ/ÓJ vep., ~ÓVA, ~ÚAR kal. 1. I vesh një sendi veti a fuqi magjike e të mbinatyrshme, duke e vënë atë në lidhje me fatin e njerëzve; e shenjtëroj një send e i falem me përulje. Fetishizon gurët (drurët).
2. fig. Hyjnizoj e adhuroj diçka dhe i besoj e i përulem verbërisht, e shndërroj diçka në fetish. Fetishizonte shkresat.
✱Sin.: hyjnizoj, adhuroj.

HYJNIZIM

HYJNIZÍM,~I m. sh. ~E, ~ET 1. fet. Veprimi kur hyjnizoj; të quajturit hyjni; adhurim i hyjnive ose vënia në një radhë me perënditë.
2. fig. Adhurim a shenjtërim. Hyjnizimi i fuqive të natyrës. Hyjnizimi i lashtësisë. Hyjnizimi i njerëzve. Hyjnizimi i traditës (i artit). Hyjnizimi i dashurisë.
3. fig., mospërf. Thurje lëvdatash, fetishizim.
✱Sin.: shenjtërim, adhurim, fetishizim.

HYJNOJ

HYJN/ÓJ vep., ~ÓVA, ~ÚAR kal. Hyjnizoj.

HYJËSOJ

HYJËS/ÓJ vep., ~ÓVA, ~ÚAR kal. Hyjnizoj; hyjnoj.

LAVDËROJ

LAVDËR/ÓJ vep., ~ÓVA, ~ÚAR kal. Them fjalë të mira për të ngritur lart dikë a diçka, ngre lart meritat e një njeriu; e çmoj a e lavdëroj një punë; i thur lëvdata dikujt a diçkaje, mburr; lëvdoj; kund. shaj. E lavdëroi para të gjithëve. Ia lavdëroi shumë veprën.
✱Sin.: lëvdoj, lartësoj, lartoj, vlerësoj, çmoj, hyjnizoj, bekoj.

PËRHYJNOJ

PËRHYJN/ÓJ vep., ~ÓVA, ~ÚAR kal. Hyjnoj, hyjnizoj. E himnizoi dhe e përhyjnoi.

SHENJTËROJ

SHENJTËR/ÓJ vep., ~ÓVA, ~ÚAR 1. kal., fet. E bëj a e shpall zyrtarisht dikë si të shenjtë, e pranon si të tillë, e vendos në katalogun e shenjtorëve; hyjnizoj, bekoj. Ai kishte bërë aq vepra të mira, saqë njerëzit prisnin që ta shenjtëronin. Ishte koha për ta shenjtëruar. Besimi shenjtëron vuajtjen.
2. kal., fig. E ngre dikë a diçka në lartësinë e altarëve, e mbaj a e kremtoj si të shenjtë diçka. E shenjtëruan atë vend (atë njeri). Shenjtëronin ujin (verën). Shenjtëroni të dielën. Kisha e shenjtëroi atë libër.
3. kal., fig. I atribuoj karakteristika shumë të larta, e nderoj diçka a e bëj si të shenjtë, e mbaj si të paprekshme, të pacenueshme dhe të pandryshueshme; e shndërroj në ligj; përligj, sanksionoj. Ligji shenjtëron ndryshimet që kanë ndodhur tashmë. Virtyti e shenjtëron njeriun. E shenjtëruan atë fjalë. Përpjekje për të “shenjtëruar” korrupsionin.
4. jokal., bised. Rri më këmbë si i ngrirë dhe i heshtur. Shenjtëronte më këmbë.
✱Sin.: hyjnizoj, bekoj, lumturoj, dëlir, përligj, sanksionoj.

ÇHYJNIZOJ

ÇHYJNIZ/ÓJ vep., ~ÓVA, ~ÚAR kal. Ia largoj cilësitë hyjnore, zhvesh dikë a diçka nga vetitë hyjnore; kund. hyjnizoj. Hyjnizoj me më shumë mendime materialiste. Për ta çhyjnizuar konceptin e artistit.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë