Fjalori

Rezultate në përkufizime për “hotelieri”

Mëso si ta përdorësh
<<< Kthehu te kërkimi kryesor në fjalor

AFARIST

AFARÍST,~I m. sh. ~Ë, ~ËT 1. Ai që merret me veprimtari biznesore (tregti, ndërtimtari, turizëm, hotelieri etj.), që të përfitojë ekonomikisht; ai që zhvillon e drejton një ndërmarrje, një kompani a një biznes, duke kërkuar mundësi për investime dhe për rritje të fitimit. Afarist i suksesshëm. Afaristët financiarë. Afaristët e mëdhenj.
2. keq. Ai që nxjerr fitime ose siguron privilegje me çfarëdo mjeti a çmimi; përfitues, spekulues, mashtrues. Ai është afarist në çdo rast. Ai ka shpirt afaristi.
✱Sin.: sipërmarrës, ndërmarrës, biznesmen, tregtar, përfitues, spekulues, mashtrues.

AFARISTE

AFARÍST/E,~JA f. sh. ~E, ~ET ek. 1. Ajo që merret me veprimtari biznesore (tregti, ndërtimtari, turizëm, hotelieri etj.), që të përfitojë ekonomikisht; ajo që zhvillon e drejton një ndërmarrje, një kompani a një biznes, duke kërkuar mundësi për investime dhe për rritje të fitimit. Afariste e dalluar. Këshilltare e afaristes. Afariste e zonja. Shoqata e afaristeve.
2. keq. Ajo që nxjerr fitime ose siguron privilegje me çfarëdo mjeti a çmimi; përfituese, spekuluese, mashtruese. Ajo sillet në çdo aktivitet si afariste. Njihet si afariste e shkathët.
✱Sin.: sipërmarrëse, ndërmarrëse, biznesmene, tregtare, përfituese, spekuluese, mashtruese.

HOTELIER

HOTELIÉR,~I m. sh. ~Ë, ~ËT Administrator a nëpunës i një hoteli; specialist në hotelieri; hotelist.
✱Sin.: hotelist, hotelxhi.

HOTELIERE

HOTELIÉR/E,~JA f. sh. ~E, ~ET Administratore a nëpunëse e një hoteli; specialiste në hotelieri; hoteliste.

HOTELIERI

HOTELIERÍ,~A f. Industria e hoteleve; sektori që përfshin menaxhimin e hoteleve, shërbimet akomoduese, administrimin e pritjes, pastrimit, ushqimit e pijeve, turizmin e lidhur me strukturat hoteliere. Kurs për hotelieri. Shkolla e hotelerisë.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë