Fjalori

Rezultate në përkufizime për “hollues”

Mëso si ta përdorësh
<<< Kthehu te kërkimi kryesor në fjalor

HOLLUES

HOLLÚES,~II m. sh. ~, ~IT 1. Tëhollës, petës. Tëholl me hollues.
2. tek. Pajisje e posaçme me ujë që përdoret për të holluar një lëndë tjetër më të trashë. Holluesi i melasës.
3. tek. Lënda që përdoret për të holluar shtresat naftëmbajtëse gjatë shpimit të puseve të naftës. Holluesi i puseve. Holluesi i bitumit. Përdor holluesit.

INJEKTOJ

INJEKT/ÓJ vep., ~ÓVA, ~ÚAR jokal. 1. mjek. Shtie me gjilpërë nën lëkurë, në muskul a në enët e gjakut një bar të lëngshëm, gjak etj. për mjekim a për qëllime të tjera, bëj një gjilpërë.
2. spec. Shtie brenda një sendi një lëng, një gaz a një lëndë tjetër, zakonisht nëpërmjet një gypi e me forcë; e mbush diçka me një lëndë tjetër gjatë ndërtimit, përpunimit a prodhimit të saj. Injektuan ujë (gaz, hollues, naftë të lehtë, çimento).

OKLLAI

OKLLAÍ,~A f. sh. ~, ~TË Petës për të holluar brumin. Tërholli me okllai. Okllai me dru ahu.
✱ Sin.: petës, tërhollës, tëhollës, hollues.
♦Ka gëlltitur (ka ngrënë) okllainë (dikush) tall. 1. Rri i ngrehur, nuk e përkul trupin; e mban trupin drejt si i ngrirë. 2. Kapardiset, ngrefoset.

PETËS

PÉTËS,~II m. sh. ~, ~IT Shkop i lëmuar, me të cilin shtrihet e hollohet brumi për ta bërë petë, hollues. E tëholli me petës. I ra me petës.
✱Sin.: hollues, tëhollës, shtagë, cabik, pepellashkë, kallm, shkop, okllai.

SHENGJET

SHENGJÉT,~I m. sh. ~A, ~AT Shkop me të cilin hollohet brumi, tëhollës, okllai. Shtroi brumin me shengjet. Shengjet druri. Byrekun e hapi me shengjet.
✱Sin.: ftollues, petës, hollues, okllai, tëhollës, hollojse, shkopetë.

TËHOLLËS

TËHÓLLËS,~I m. sh. ~, ~IT Shkop i gjatë, i rrumbullakët dhe i lëmuar, që përdoret për të holluar petët e byrekut, të bakllavasë etj.; petës, okllai. Hollojnë brumin me tëhollës.
✱Sin.: petës, hollues, okllai.

TËRHOLLËS

TËRHÓLLËS,~I m. sh. ~, ~IT Okllai, hollues, tëhollës, petës.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë