Fjalori

Rezultate në përkufizime për “histerik”

Mëso si ta përdorësh
<<< Kthehu te kërkimi kryesor në fjalor

HISTERIK

HISTERÍK,~E mb. 1. mjek. Që ka të bëjë me histerinë dhe histerizmin; që vuan nga histeria, që është i sëmurë nga histeria; që ka shfaqje të histerizmit; që është karakteristikë për histerinë ose për atë që vuan nga histeria; që shpreh histeri. Njeri (i sëmurë) histerik. Grua histerike. Gjendje histerike. Britma (ulërima, të qeshura) histerike.
2. fig., keq. I shfrenuar, i papërmbajtur, i tërbuar; që është si në gjendje histerie. Propagandë histerike. Fushata histerike.
✱Sin.: i tërbuar, i papërmbajtur, i shfrenuar.

HISTERIZËM

HISTERÍZ/ËM,~MI m. sh. ~MA, ~MAT Të qenët histerik, gjendje histerie; shfaqje histerie. Histerizmat e muzikës. Krizë histerizmi. E kapi (e zuri) histerizmi. Qeshi (thirri) me histerizëm. Nxit histerizmin e luftës.

TËRBUAR

TËRBÚAR (i, e) mb. 1. Që e ka zënë sëmundja e tërbimit, i sëmurë nga tërbimi. Qen i tërbuar. Njeri i tërbuar.
2. I zemëruar aq shumë me dikë a me diçka sa nuk e përmban dot veten, që është bërë si i marrë nga inati, shumë i egërsuar. Armik (kundërshtar) i tërbuar. Hyri (erdhi) si i tërbuar.
3. fig. Që është i papërmbajtur në shfaqjen e dëshirave a të tekave; që sillet e vepron në mënyrë të papërmbajtur; i shfrenuar, i harbuar; i llastuar a i përkëdhelur tej masës. Fëmijë i tërbuar.
4. fig. Që lëviz a shpërthen me vrull e me forcë, që vërshon pa u përmbajtur, që lëshohet me rrëmbim; që ka dallgë të mëdha e të furishme. Erë e tërbuar. Tufan (murrlan) i tërbuar. Det (oqean) i tërbuar.
5. fig. Që është i përgjakshëm e shumë i ashpër; që bëhet pa mëshirë, i egër, mizor, barbar; që bëhet me tërbim. Luftë e tërbuar. Sulm i tërbuar. Fushatë (garë) e tërbuar. Terror i tërbuar.
✱Sin.: i ndërkryer, i trenuar, i çmendur, i shkalluar, i marrosur, i xhindosur, i papërmbajtur, histerik, i çartur, i harbuar, i harlisur, i shfrenuar, i azdisur, i llastuar, i përkëdhelur, i papërmbajtur, i vrullshëm, i përgjakshëm, gjakatar, barbar, i egër, mizor.
♦ *Ujë i tërbuar (i bekuar) shak.

Ky fjalor është domosdoshmëri për shkrimtarët e për publicistët, për shkollarët e për studentët, për mësuesit e për pedagogët, për studiuesit e për këdo që merret me përdorimin e kultivimin e gjuhës amtare.

Ai u vjen në ndihmë gjithë atyre që merren veçanërisht me gjuhën e shkruar, por edhe të folur, me krijime e me përkthime, me hartimin e fjalorëve të tipave të ndryshëm etj.

...lexo më tepër.


© Akademia e Shkencave e Shqipërisë, 2026 — Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.

www.akad.gov.al
Adresa: Sheshi "Fan Noli", Tiranë