Fjalë që fillojnë me...
Fjalë me të njëjtat parashtesa ose tema fjalëformuese.
Mëso si ta përdorësh
<<< Kthehu te kërkimi kryesor në fjalor
HÍPJ/E,~A f. sh. ~E, ~ET 1. Veprimi i ngjitjes a i ngritjes nga një vend i ulët në një vend më të lartë; kund. zbritje. Hipja në shkallë. Hipje në çati. Hipja në pemë. Hipja në mur. Hipja në mal (në kodër, në bjeshkë). Hipje me shkallë. Hipje me ashensor. Hipje në majë.
2. Veprimi i ngjitjes a i zënies së vendit për të udhëtuar në një mjet udhëtimi (makinë, tren, avion etj.) a mbi një kafshë; të hipurit. Hipja e fëmijëve në tren. Hipja mbi shpinën e kalit. Hipje e avionit mbi re. Vendi i hipjes. Hipje e shpejtë (e ngadaltë).
3. Veprimi i ngjitjes a i rritjes në një post, detyrë, gradë a shkallë më të lartë. Hipje në përgjegjësi.
4. Rritja në vëllim, në denduri etj.; rritja e nivelit, e vlerës a e çmimit të diçkaje. Hipja e kursit të valutës. Hipja e çmimeve. Hipja e temperaturës të sëmurit.
5. Kalimi në një gjendje të caktuar shpirtërore dhe psikologjike a në ndjenja a ndjesi të caktuara. Hipje inati (mërzie, dëshirë). Hipja e një të qeshure.
NGJÍTJ/E,~AII f. sh. ~E, ~ET 1. Veprimi kur ngjitII, ose kur ngjitemII. Ngjitje alpinistike. Ngjitja në majë.
2. Pjesë rruge ose shpat që shkon përpjetë, e përpjetë; kund. zbritje.
3. fig. Zhvillim drejt një shkallë më të lartë, ngritje; kund. rënie, zbritje, dekadencë. Periudhë ngjitjeje e vrullshme. Është në ngjitje numri i turistëve.
✱Sin.: ngritje, hipje, e përpjetë, pushtim, zhvillim, përparim, ardisje.
NGRÍTJ/E,~A f. sh. ~E, ~ET 1. Veprimi kur ngre ose kur ngrihem; kund. ulje; zbritje; rënie. Ngritja e ujërave. Ngritja e peshave. sport. Ngritja e flamurit. Ngritja e shtëpive (e banesave). Ngritja e çmimeve. Ngritja e rrogave. Ngritja e cilësisë (e nivelit). Ngritja në përgjegjësi.
2. Zhvillim i ndjeshëm, përparim i dukshëm, nivel më i lartë; shkalla e zhvillimit të një fushe a të një dukurie; ngjitje; kund. rënie. Ngritje e ndjeshme (e madhe). Ka (vërehet) një ngritje. Vë në dukje ngritjen.
3. Shkalla e zhvillimit ose e pjekurisë që ka arritur dikush nga ana politike, arsimore etj. Ngritja kulturore (profesionale) e punonjësve. Ngritje intelektuale. Njeri pa ngritje.
4. Vend i ngritur, vend që del përmbi një rrafsh a sipërfaqe. Rrugë me ngritje e zbritje.
✱Sin.: lartësim, ngjitje, hipje, shpërndarje, zgjim, çuarje, mëkëmbje, përhapje, ndërtim, ngallitje, krijim, fryrje, bymim, dalje, themelim, rritje, gradim, përmirësim, zhvillim, e ngritur, mbartje, shpërngulje, forcim, vënie, shtrim, parashtrim, trajtim.
ZBRÍTJ/E,~A f. sh. ~E, ~ET 1. Zhvendosja nga lart poshtë, zënia e një vendi diku më poshtë nga ku ndodhem, ulje; rënie; lëvizje poshtë nëpër një shkallë a nëpër diçka tjetër; ulja shkallë-shkallë nga një pikë më e lartë në një pikë tjetër më të ulët; kund. hipje, ngjitje. Zbritja nga çatia. Zbritja në katin e parë. Zbritja në det (në rrugë, në lumë, në fushë etj.) Zbritja e shkallëve. Zbritje nga bjeshkët. Më e mirë është zbritja më këmbë. Zbritja nga aeroplani. Zbritja nga pema. Nuk e duron dot zbritjen e tatëpjetës. Rruga është me hipje e me zbritje.
2. Rënie, shtrirje, mbulim, pllakosje e diçkaje mbi dikë a diçka. Zbritja e mbrëmjes. Zbritja e errësirës. Zbritja e mjegullës nga mali. Zbritja e reve. Filloi zbritja e aeroplanit
3. edhe fig. Zvogëlim, pakësim, dobësim i nivelit a i vlerës së diçkaje; rënie në një shkallë më të ulët; ulje; kund. ngritje, rritje. Zbritja e nivelit të ujit. Zbritja e çmimeve (e qirave). Zbritje të mëdha (të jashtëzakonshme) në treg. Prodhime (oferta) me zbritje. E bleu me zbritje. Nuk bënte zbritje. Të gjitha zbritjet e së premtes. Zbritja e temperaturës. Filloi zbritja. Zbritje nga kategoria. Karriera e tij ishte në zbritje. Zbritje në hierarkinë e gradave.
4. mat. Një nga të katër veprimet themelore të matematikës, me anë të të cilit nga një numër (i zbritshmi) heqim një numër tjetër (zbritësi) dhe gjejmë mbetjen, heqje; kund. mbledhje. Mbledhje dhe zbritj deri në 10. Prova e zbritjes. Bëri zbritjen. Zbritje me (pa) mbetje. Rezultati i një zbritjeje quhet ndryshim.
5. Vend që vjen duke zbritur, pjerrësirë, tatëpjetë. Zbritje e ëmbël (e butë, e lehtë, e vështirë, e rrezikshme). Zbritje pingule.
✱Sin.: ulje, varje, rënie, zdrypje, mbulim, pllakosje, zvogëlim, pakësim, dobësim, heqje, tatëpjetë, pjerrësirë.
Fjalë me të njëjtat parashtesa ose tema fjalëformuese.
Fjalë që rimojnë ose mbarojnë me të njëjtat germa.
Kërko forma në përkufizime ose shembuj. _
© Akademia e Shkencave e Shqipërisë, 2026 —
Të gjitha të drejtat janë të rezervuara. Çdo riprodhim, i pjesshëm ose i plotë i veprës, qoftë në format elektronik e qoftë në letër, në kundërshtim me ligjin nr. 36/2016 (ndryshuar me ligjin nr. 37/2022, datë 14.4.2022): "Për të drejtat e autorit dhe të drejtat e tjera të lidhura me to", do të ndiqet ligjërisht.
www.akad.gov.al
Adresa: Sheshi "Fan Noli", Tiranë